[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

90அடி ஆழக் கிணற்றில் சிக்கித் தவித்த பெண் -  மீட்பு வீடியோ

a-woman-lying-on-a-90-feet-deep-well-in-erode

கோபிசெட்டிபாளையம் அருகே 90 அடி ஆழமுள்ள கிணற்றில் இறங்கி ஏறமுடியாமல் தவித்த மனநலம் பாதிக்கப்பட்ட பெண்னை தீயணைப்புத்துறையினர் 4 மணி நேர போராட்டத்துக்குப் பின் உயிருடன் மீட்டுள்ளனர்.

ஈரோடு மாவட்டம் கோபிசெட்டிபாளையம் அருகே உள்ள வெள்ளாங்கோயில் அடுத்த சில்லாமடை கிராமத்தில் வசித்து வருபவர் அமராவதி (35). இவர் சற்று மனநலம் பாதிக்கப்பட்டுள்ளதாக கூறப்படுகிறது. இந்நிலையில் அப்பகுதியில் உள்ள 90 அடி ஆழமுள்ள தண்ணீர் வற்றிய கிணற்றில் இறங்கி அமர்ந்துள்ளார். அவர் மேலே ஏறிவருவதற்கு படிகள் இல்லாததினால் கிணற்றிலேயே அமர்ந்துள்ளார். இதனைப்பார்த்த அதிர்ச்சியடைந்த அப்பகுதி மக்கள் கோபிசெட்டிபாளையம் தீயணைப்புத் துறையினருக்கு தகவல் தெரிவித்துள்ளனர். 

உடனடியாக விரைந்த வந்த தீயணைப்புப்படையினர், கயிறு கட்டி கிணற்றில் இறங்கி ஏற முடியாமல் தவித்த அமராவதியை  4 மணி நேர போராட்டத்துக்குப்பின் கயிறு மூலம் உயிருடன் மீட்டனர். சாலையின் அருகில் உள்ள அந்தக் கிணற்றில் யாரும் இறங்குவதற்கு படிகள் இல்லாத போது மனநலம் பாதிக்கப்பட்ட பெண் எப்படி கிணற்றில் இறங்கினார் என்று அப்பகுதி பொதுமக்கள் ஆச்சரியம் அடைந்துள்ளனர். 

 

மேலும் மனநலம் பாதிக்கப்பட்ட பெண் 90 அடி ஆழக்கிணறில் இறங்கி அமர்ந்த சம்பவம் அப்பகுதி மக்களிடத்தில் அச்சத்தையும் ஏற்படுத்தியுள்ளது. மேலும் அக்கிணற்றுக்கு அருகே ஆரம்பப்பள்ளி இருப்பதால் அக்கிணற்றை இரும்பு கம்பிகளால் மூட வேண்டும் என அப்பகுதி மக்கள் கோரிக்கை விடுத்துள்ளனர். 

Advertisement:
இது தொடர்பான செய்திகள் :
Advertisement:
Advertisement:
[X] Close