[X] Close
JUST IN
  • BREAKING-NEWS கோழிப்பண்ணை உரிமையாளர்கள் சோளத்தை வரியின்றி இறக்குமதி செய்ய அனுமதிக்க வேண்டும்- பிரதமர் மோடிக்கு முதல்வர் பழனிசாமி கடிதம்
  • BREAKING-NEWS கர்நாடக சட்டப்பேரவையில் வரும் 18ம் தேதி காலை 11 மணிக்கு நம்பிக்கை வாக்கெடுப்பு நடைபெறுகிறது
  • BREAKING-NEWS முன்னாள் அமைச்சர் கல்ராஜ் மிஷ்ரா ஹிமாச்சல பிரதேசத்தின் புதிய ஆளுநராக நியமனம் . ஹிமாச்சல் ஆளுநராக இருந்த ஆச்சார்யா தேவ்ரட் குஜராத் ஆளுநராக பணியிடமாற்றம்
  • BREAKING-NEWS ‘பெருங்களத்தூர் டூ சிங்கப்பெருமாள் கோவில்- 8 வழிச்சாலை’ : முதல்வர் அறிவிப்பு
  • BREAKING-NEWS தேசிய புலனாய்வு அமைப்பான என்ஐஏவுக்கு கூடுதல் அதிகாரம் அளிக்கும் மசோதாவுக்கு மக்களவையில் ஒப்புதல் அளிக்கப்பட்டது

‘வேண்டாம் ஹைட்ரோ கார்பன்’ - ட்விட்டரில் ட்ரெண்ட் ஆகும் ‘#StopHydroCarbon’ ஹேஷ்டேக்

stophydrocarbon-top-trending-twitter-hashtags-in-chennai

#StopHydroCarbon என்ற ஹேஷ்டேக் ட்விட்டரில் ட்ரெண்ட் ஆகியுள்ளது.

ஹைட்ரோ கார்பன் திட்டத்தை நிறைவேற்றும் வகையில் மத்திய அரசு நாடு முழுவதும் 22 நிறுவனங்களுடன் ஒப்பந்தம் செய்துள்ளது. டெல்டா மாவட்டங்களில் 274 இடங்களில் ஹைட்ரோ கார்பன் எடுக்க மத்திய அரசு அனுமதி வழங்கியுள்ளது. விழுப்புரம் முதல் புதுச்சேரி வரை 1,794 சதுர கிலோ மீட்டர் தூரம் கிணறுகள் தோண்டப்பட உள்ளன. 

       

அந்த ஒப்பந்தத்தின்படி தமிழகத்தில், நாகை மாவட்டம் வேதாரண்யம் கரியாப்பட்டினம் உள்ளிட்ட பகுதிகளில் ஸ்டெர்லைட் வேதாந்தா நிறுவனம் ஹைட்ரோ கார்பன் இயற்கை எரிவாயுவை எடுக்க உள்ளது. அதற்காக சில இடங்களில் முதற்கட்ட பணிகளை வேதாந்தா நிறுவனம் தொடங்கியுள்ளது. இந்தப் பணிகளுக்கு மக்கள் மத்தியில் கடும் எதிர்ப்பு கிளம்பியுள்ளது. மக்கள் பல்வேறு இடங்களில் போராட்டங்களில் ஈடுபட்டு வருகின்றனர். எதிர்ப்பையும் மீறி ஹைட்ரோ கார்பன் திட்டத்திற்கான பணிகள் தொடங்கியுள்ளதால் மக்கள் அதிருப்தி தெரிவித்துள்ளனர்.

         

இந்நிலையில், சென்னை அளவில் #StopHydroCarbon என்ற ஹேஷ்டேக் ட்விட்டரில் ட்ரெண்ட் ஆகியுள்ளது. இந்த ஹேஷ்டேக்கில் பல்வேறு தரப்பினரும் தங்களது கருத்துக்களை பதிவிட்டு வருகின்றனர். விவசாயத்தினை பாதுகாக்க ஹைட்ரோ கார்பன் திட்டத்தை எதிர்க்க வேண்டும் என பலரும் அதில் வலியுறுத்தியுள்ளனர். 

            

இதில், சிலர் நேசமணி என்ற வடிவேலுவின் கதாபாத்திரத்தை உலகம் முழுவதும் ட்ரெண்ட் செய்த நாம், #StopHydroCarbon என்ற ஹேஷ்டேக்கையும் ட்ரெண்ட் செய்ய வேண்டும் என்று கூறியுள்ளனர். ஏனெனில் #Pray_for_Naesamani என்ற ஹெஷ்டேக் ட்ரெண்ட் ஆன போது, பொதுமக்களின் முக்கியமான பிரச்னைகளுக்கு இதுபோன்று பிரச்சாரம் செய்வதில்லை சிலர் குறைகூறியிருந்தனர். இந்நிலையில்தான், #StopHydroCarbon ட்ரெண்ட் ஆகியுள்ளது. ஆனால், அது சென்னை அளவில் மட்டுமே உள்ளது.

         

வேறு சிலர், “டிவிட்டரில் டிரென்ட் செய்தால் மட்டும் போதுமா?....இதற்கு ஆக்கப்பூர்வமான தீர்வுதான் என்ன ?” என்றும் கேள்வி எழுப்பியுள்ளனர். சமூக வலைதளங்களை மக்களுக்கான பிரச்னைகளுக்கு பயன்படுத்த வேண்டும் எனவும் சிலர் கருத்து தெரிவித்துள்ளனர்.

         

Advertisement:
இது தொடர்பான செய்திகள் :
Advertisement:
Advertisement:
[X] Close