[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

மருத்துவமனை வளாகத்தில் சிறுமிக்குப் பாலியல் தொல்லை - காவலாளி தலைமறைவு 

sexual-harassment-of-the-girl-in-the-hospital-premises-in-nagercoil

கன்னியாகுமரி மாவட்டம் நாகர்கோவில் அருகே அரசு மருத்துவக் கல்லூரி மருத்துவமனையில் வடமாநில சிறுமிக்குப் பாலியல் தொல்லை கொடுத்ததாக உறவினர்கள் புகார் தெரிவித்துள்ளனர்.

கன்னியாகுமரி மாவட்டம் நாகர்கோவில் ஆசாரிபள்ளம் அரசு மருத்துவக்கல்லூரி மருத்துவமனையில் வடமாநிலத்தைச் சேர்ந்த சிவா சுகாஷ் என்பவர் தனது மனைவி மற்றும் மகளுடன் சிகிச்சை பெறுவதற்காக வந்துள்ளார். இந்நிலையில் நேற்று இரவு அங்கு பாதுகாப்பு பணியில் இருந்த காவலாளி சுபின் என்பவர் வடமாநில தம்பதியின் குழந்தைக்குப் பாலியல் தொல்லை கொடுத்ததாகக் கூறப்படுகிறது.

Image result for வடமாநில சிறுமிக்கு பாலியல் தொல்லை

மேலும் சிறுமிக்கு பாலியல் தொல்லை கொடுத்ததை நேரில் பார்த்த அந்தச் சிறுமியின் தாய் மருத்துவமனை வளாகத்தில் கூச்சலிட்டுள்ளார். அப்போது காவலாளி அங்கிருந்து தப்பி ஓடியுள்ளார். இதுகுறித்து அச்சிறுமியின் பொற்றோர் ஆசாரிபள்ளம் காவல் நிலையத்தில் கொடுத்த புகார் அளித்துள்ளனர். 

இதனையடுத்து தப்பியோடிய மருத்துவமனைக் காவலாளி சுபினை தேடி வருகின்றனர். மேலும் குழந்தைகள் பாதுகாப்பு அலுவலர் குமுதா தலைமையிலான அதிகாரிகள் சிறுமியிடம் தொடர்ந்து விசாரணை நடத்தி வருகின்றனர். சிகிச்சைக்கு சென்ற இடத்தில் சிறுமிக்கு பாலியல் தொல்லை கொடுத்த சம்பவம் மருத்துவக் கல்லூரி வளாகத்தில் பெரும் பரபரப்பை ஏற்படுத்தியுள்ளது. 

Related image

ஆயிரக்கணக்கான பெண்கள் பயன்படுத்தி வரும் அந்த மருத்துவமனையில் 3 பெண் காவலர்கள் மட்டுமே உள்ளதனால்தான் இது போன்ற நடவடிக்கைகள் நடப்பதாக பொதுமக்கள் குற்றம் சாட்டுகின்றனர். எனவே மருத்துவமனையின் பாதுகாப்பிற்குப் போதிய பெண் காவலர்களை நியமனம் செய்ய வேண்டும் எனக் கோரிக்கை எழுந்துள்ளது. மேலும் தமிழகம் முழுவதும் அரசு மருத்துவமனைகளில் பத்மாவதி என்ற தனியார் நிறுவனம் பல்வேறு வேலைகளுக்கு ஆட்களை அமர்த்தியுள்ளனர் என்பதும் குறிப்பிடத்தக்கது.

Advertisement:
Advertisement:
Advertisement:
[X] Close