[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

5 வயது சிறுமி மரணம்... தாயின் இரண்டாவது கணவருக்கு தொடர்பு?

5-year-gilr-baby-murdered-near-trichy

திருச்சி அருகே 5 வயது சிறுமி மரணம் தொடர்பாக தாயின் இரண்டாவது கணவரிடம் விசாரணை நடைபெற்று வருகிறது.

திருச்சி மாவட்டம் காட்டுப்புத்தூர் பகுதியில் உள்ள அரசு பள்ளியில் ஆசிரியராக பணியாற்றி வருபவர் நித்திய கமலா. இவர் தனது கணவர் முத்துப் பாண்டியன் மற்றும் ஐந்து வயது மகள் லத்திகா ஸ்ரீயுடன் வசித்து வருகிறார்.

இந்நிலையில் நேற்று வீட்டில் லத்திகாஸ்ரீ படிக்காமல் டிவி பார்த்து கொண்டு இருந்ததால் ஆத்திரமடைந்த நித்திய கமலா மகளை அடித்ததாக கூறப்படுகிறது. இதனால் காயமடைந்த குழந்தை மயக்கம் அடைந்தது. இதனையடுத்து உடனடியாக நாமக்கல் அரசு மருத்துவமனையில் சிகிச்சைகாக சிறுமி லத்திகா ஸ்ரீ அனுமதிக்கப்பட்டார். அங்கு முதலுதவி சிகிச்சை அளிக்கப்பட்ட நிலையில், சிறுமியின் நிலைமை மோசமாக இருந்ததால் அவரை மேல்சிகிச்சைக்காக மருத்துவர்கள் சேலம் அரசு மருத்துவமனைக்கு அனுப்பி வைத்தனர். ஆனால் அங்கு சிகிச்சை பலனின்றி சிறுமி பரிதாபமாக உயிரிழந்தார். இந்த சம்பவம் குறித்து காட்டுப்புத்தூர் போலீசார் வழக்குப்பதிவு செய்து நித்திய கமலத்தை கைது செய்தனர்.

இதனிடையே போலீசார் தொடர் விசாரணை மேற்கொண்டபோது, நித்திய கமலத்திற்கும் தேனி மாவட்டம் போடி பகுதியை சேர்ந்த பிரசன்னா என்பவருக்கும் திருமணமாகி லத்திகா ஸ்ரீ என்ற மகள் பிறந்தது தெரியவந்துள்ளது. ஆனால் நித்திய கமலத்திற்கும் பிரசன்னாவிற்கும் ஏற்பட்ட கருத்து மோதலால் இருவரும் விவாகரத்து பெற்றுள்ளனர்.

இதனையடுத்து முத்துப் பாண்டியன் என்பவருடன் நித்திய கமலத்திற்கு இரண்டாவது திருமணம் நடைபெற்றுள்ளது. குழந்தை லத்திகா ஸ்ரீ, இவர்களுடனே வசித்து வந்துள்ளார். இந்நிலையில்தான் லத்திகா ஸ்ரீ உயிரிழந்துள்ளார். இதனிடையே முத்துப் பாண்டியனிடமும் போலீசார் தீவிர விசாரணை மேற்கொண்டு வருகின்றனர். முத்துப் பாண்டியன் அடித்ததால் குழந்தை உயிரிழந்திருக்கலாமோ என போலீசார் சந்தேகிக்கின்றனர். முத்துப் பாண்டியனை காப்பாற்றுவதற்காக, குழந்தையை தான் அடித்ததாக நித்திய கமலம் கூறியிருக்கலாம் எனவும் போலீசார் சந்தேகிக்கின்றனர். இருப்பினும் தொடர் விசாரணை மேற்கொள்ளப்பட்டு வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close