[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

துப்பாக்கி உரிமம் கேட்டு காதல் தம்பதி மனு - ஆணவக்கொலை அச்சுறுத்தல்?

love-married-coupled-filed-petition-in-police-station-for-gun-rights-in-tanjai

தங்களை ஆவணக்கொலை செய்யப்போவதாகவும், ஆகவே பாதுகாப்பிற்கு துப்பாக்கி உரிமம் வேண்டுமென்று காதல் தம்பதியினர் தஞ்சை காவல்நிலையத்தில் புகார் மனு அளித்தனர்.

தஞ்சை மாவட்டம் கும்பகோணம் அடுத்த நாச்சியார்கோவில் பகுதியை சேர்ந்த ஆட்டோ டிரைவர் பிரவீன்குமார் (30). இவரது மனைவி சரண்யா (27) கும்பகோணம் நீதிமன்றத்தில் வழக்கறிஞராக பணிபுரிந்து வருகிறார். வெவ்வேறு சமூகத்தை சேர்ந்த இவர்கள் ஒரு ஆண்டுக்கு முன்பு காதலித்து திருமணம் செய்து கொண்டனர்.

இந்நிலையில் தனது மனைவியுடன் பிரவீன்குமார் தஞ்சை மாவட்ட காவல் கண்காணிப்பாளர் அலுவலகத்தில் இன்று புகார் மனு ஒன்றை அளித்தார். 

அதில், “நானும், எனது மனைவியும் வெவ்வேறு சமூகத்தை சேர்ந்தவர்கள். நாங்கள் இருவரும் காதலித்து திருமணம் செய்து கொண்டோம். ஆட்டோ டிரைவரான என்னை நாச்சியார்கோவில் முன்னாள் இன்ஸ்பெக்டர் ஒருவர், ரவுடிகள் பட்டியலில் சேர்த்து வழக்குப்பதிவு செய்தார். அதன்பிறகு அவரும், மற்ற சில போலீசாரும் அடிக்கடி என்னை தொலைபேசியில் தொடர்பு கொண்டு மிரட்டல் விடுத்து வந்தனர். மேலும் எனது மனைவிக்கும் போலீசார் கொலை மிரட்டல் விடுத்தனர். அதுமட்டுமல்லாமல் தேவனாஞ்சேரியை சேர்ந்த சிலர், என்னைப் பற்றியும், எனது மனைவியை பற்றியும் அவதூறாக பேசி கொலை மிரட்டல் விடுத்தனர்.

இதனால் பயந்து போன நாங்கள் காவல்நிலையத்தில் பலமுறை புகார் அளித்தோம். ஆனால் எந்த நடவடிக்கையும் இல்லை. இதற்கிடையே எங்களை கூலிப்படையை வைத்து கொலை செய்யவும் திட்டமிட்டு இருப்பதாக அறிந்தோம். தமிழகத்தில் தருமபுரி இளவரசன், உடுமலை சங்கர் உள்ளிட்டோர் ஆணவப் படுகொலை செய்யப்பட்டனர். அதேபோல் எங்களையும் கொலை செய்ய முயற்சிப்பதாக தெரிகிறது. எனவே, எங்களது உயிருக்கு பாதுகாப்பு வழங்கும்படி கேட்டு கொள்கிறோம். மேலும் பாதுகாப்பு கருதி துப்பாக்கி வைத்து கொள்ள உரிமம் வழங்கவும் கேட்டு கொள்கிறேன்” என்று தெரிவித்திருந்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close