[X] Close
JUST IN
  • BREAKING-NEWS வெஸ்ட் இண்டீஸ் அணிக்கு எதிரான முதல் டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி
  • BREAKING-NEWS போக்சோ சட்டத்தின் கீழ் தண்டனை பெறும் நபர்கள் கருணை மனு தாக்கல் செய்ய உரிமை அளிக்கக் கூடாது - குடியரசுத் தலைவர் ராம்நாத் கோவிந்த்
  • BREAKING-NEWS தெலங்கானா: 4 பேர் என்கவுன்ட்டர் செய்யப்பட்ட விவகாரத்தில் சட்டம் தன் கடமையை செய்துள்ளது - தெலங்கானா போலீஸ்
  • BREAKING-NEWS சிலை கடத்தல் தொடர்பான ஆவணங்களை தமிழக அரசிடம் பொன் மாணிக்கவேல் ஒப்படைக்க வேண்டும் - சென்னை உயர்நீதிமன்றம்
  • BREAKING-NEWS நித்யானந்தா எங்கு இருக்கிறார் என்பதை அறிவதில் சிரமம் இருக்கிறது - மத்திய வெளியுறவுத்துறை அமைச்சகம்
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை

மண்ணுளிப் பாம்பை ‌கடத்தி விற்க முயற்சி : 4 பேர் கைது

four-persons-arrested-for-trying-to-sell-the-earth-serpent-snake-in-courtallam

நெல்லை மாவட்டம் குற்றாலம் அருகே அரிய வகை மண்ணுளிப் பாம்பை கடத்தி விற்க முயன்றதாக 4 பேரை போலிசார் கைது செய்து சிறையில் அடைத்தனர்.

நெல்லை மாவட்டம் மேற்கு தொடர்ச்சி மலைப்பகுதிகளில் அரியவகை மூலிகைகள் உள்ளதால் இங்கு அரியவகை விலங்கினங்கள், ஊர்வனவகைகள் நிறைந்து காணப்படுகின்றன. இந்த நிலையில் அறிய வகை பாம்பான இரு தலைமணியன் என்று அழைக்கப்படும் மண்ணுளி பாம்பு கடத்தப்படுவதாகவும், அதற்கு சில கும்பல்கள் உடந்தையாக இருப்பதாகவும், குற்றாலம் காவல்துறையினருக்கு ரகசிய தகவல் கிடைத்துள்ளது. இதனால் குற்றாலம் காவல் துறையினர் பல்வேறு இடங்களில் தீவிர சோதனை நடத்தி வந்தனர். 

Image result for மண்ணுளிப் பாம்பு

இந்த சூழலில் குற்றாலம் அண்ணா சிலை அருகில் உள்ள தனியார் விடுதி அருகில் சந்தேகத்திற்கு இடமளிக்கும் வகையில் நான்கு பேர் நின்று கொண்டு இருந்ததால், அவர்களை குற்றாலம் போலீசார் விசாரணை செய்தனர்.அப்போது அவர்கள் கையில் வைத்திருந்த ஒரு பையை சோதனை செய்ததில், அரிய வகையை சேர்ந்த இருதலை மணியன் பாம்பு இருப்பது கண்டுபிடிக்கப்பட்டது. மேலும் அவர்கள் சென்னை,கேரளா,குற்றாலம் பகுதியை சேர்ந்தவர்கள் என்பதும் தெரியவந்தது.

Image result for மண்ணுளிப் பாம்பு

இதனையடுத்து உடனடியாக நான்கு பேரையும் குற்றாலம் காவல் நிலையத்திற்கு கொண்டு சென்று விசாரணை மேற்கொண்டனர். அதில் பிடிபட்ட பாம்பை சென்னைக்கு கடத்த இருந்ததாக கூறியுள்ளனர். அதற்காக சென்னையை சேர்ந்த சங்கர், மைக்கேல்ராஜ், எர்னாகுளத்தை சேர்ந்த ஐசக் மாத்யூ ஆகியோர் குற்றாலத்தைச் சார்ந்த தங்கபாண்டியன் என்பவரிடமிருந்து வாங்கி செல்ல தயாராக இருந்தது தெரியவந்தது. பின்னர் பிடிபட்ட பாம்பையும், அந்த 4 பேரையும் குற்றாலம் காவல்துறையினர் செங்கோட்டை வனத்துறையினரிடம் ஒப்படைத்தனர். இதனையடுத்து அவர்கள் நான்கு பேரையும் கைது செய்து பாம்பையும் பறிமுதல் செய்தனர். மேலும் 4 பேரையும் செங்கோட்டை மாவட்ட உரிமையியல் நீதிமன்றத்தில் ஆஜர்படுத்தி பாளையங்கோட்டை சிறையில் அடைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close