[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

அனைத்து கருத்துக் கணிப்புகளிலும் திமுக அமோக முன்னணி

exit-polls-favour-for-dmk-alliance-in-tamilnadu

தமிழகத்தில் திமுக கூட்டணியே அதிக இடங்களில் வெற்றி பெற வாய்ப்பு இருப்பதாக பெருவாரியான தேர்தலுக்குப் பிந்தைய கருத்துக் கணிப்பு முடிவுகள் தெரிவிக்கின்றன.

நாடு முழுவதும் மக்களவைத் தேர்தல் நடைபெற்று முடிந்துள்ளது. இந்நிலையில் தமிழகத்தில் திமுக கூட்டணியே அதிக இடங்களில் வெற்றி பெற வாய்ப்பு இருப்பதாக பெருவாரியான கருத்துக் கணிப்பு முடிவுகள் தெரிவிக்கின்றன.

டைம்ஸ் நவ்- வி.எம்.ஆர் வெளியிட்டுள்ள தேர்தலுக்குப் பிந்தைய கருத்துக் கணிப்பின்படி, திமுக கூட்டணி 29 இடங்களிலும், அதிமுக கூட்டணி கூட்டணி 9 இடங்களிலும் வெற்றி பெற வாய்ப்பு இருப்பதாக தெரிவிக்கப்பட்டுள்ளது.

நியூஸ் எக்ஸ்- நேத்தா வெளியிட்டுள்ள தேர்தலுக்குப் பிந்தைய கருத்துக் கணிப்பின்படி, திமுக 17 இடங்களிலும், அதிமுக- 8 இடங்களிலும், காங்கிரஸ் 3 இடங்களிலும், பாஜக ஒரு இடத்திலும், மற்றவை 9 இடங்களை பிடிக்க வாய்ப்பு இருப்பதாக கூறப்பட்டுள்ளது.

சி.என்.என். நியூஸ் 18 வெளியிடுள்ள கருத்துக் கணிப்பின்படி, திமுக கூட்டணி 22- 24 இடங்களிலும், அதிமுக கூட்டணி 14-16 இடங்களில் வெற்றி பெற வாய்ப்பு இருப்பதாக கூறப்பட்டுள்ளது.

இந்தியா டிவியின் கருத்துக் கணிப்புபடி, திமுக 20 இடங்களிலும், அதிமுக 10 இடங்களிலும், காங்கிரஸ் 6 இடங்களிலும், பாஜக இரண்டு இடங்களையும் கைப்பற்ற வாய்ப்பு இருப்பதாக தெரிவிக்கப்பட்டுள்ளது.

நியூஸ் 24- டுடேஸ் சாணக்யா வெளியிட்டுள்ள கணிப்பின்படி, திமுக கூட்டணி 31 இடங்களிலும், அதிமுக கூட்டணி 6 இடங்களிலும், மற்றவை 1 இடத்திலும் வெற்றி பெற வாய்ப்பு இருப்பதாக கூறப்பட்டுள்ளது.

இதேபோல திமுக கூட்டணி 34 முதல் 38 இடங்களிலும், அதிமுக கூட்டணி 0 முதல் 4 இடங்களிலும் வெற்றி பெற வாய்ப்பு இருப்பதாக இந்தியா டுடே தெரிவித்துள்ளது.

என்டிவி வெளியிட்டுள்ள தேர்தலுக்குப் பிந்தைய கருத்துக் கணிப்பின்படி அதிமுக கூட்டணி 11 இடங்களிலும்,  திமுக கூட்டணி 26 இடங்களிலும், மற்றவை 1 இடத்திலும் வெற்றி பெற வாய்ப்பு இருப்பதாக கூறப்பட்டுள்ளது.

மே 23-ஆம் தேதி வாக்கு எண்ணிக்கை நடைபெற உள்ள நிலையில் அன்றை தினமே, யார் வெற்றி தோல்வி என்பது முடிவாக தெரியவரும்.

Advertisement:
Advertisement:
Advertisement:
[X] Close