[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

‘விவசாயிகள் வயிற்றில் அடிப்பதா ?’ - குழாய் பதிப்புக்கு தினகரன் கண்டனம்

ttv-dhinakaran-condemned-for-gail-pipeline-in-agriculture-land

விவசாய நிலங்களை அழித்து எரிவாயு குழாய் பதிக்கிற வேலைகளை மத்திய அரசின் கெயில் நிறுவனம் மேற்கொண்டு வருவதாக அமமுக பொதுச்செயலாளர் டிடிவி தினகரன் கண்டனம் தெரிவித்துள்ளார்.

நாகை மாவட்டம் மயிலாடுதுறை அருகே மேலமாத்தூரிலிருந்து நரிமனத்துக்கு கெயில் நிறுவனம் எரிவாயுவை எடுத்துச் செல்ல குழாய் பதிக்க திட்டமிட்டுள்ளது. அதற்காக மேமாத்தூர், செம்பனார்கோவில், காளகஸ்திநாதபுரம், முடிகண்டநல்லூர் ஆகிய கிராமங்களில் உள்ள விவசாய நிலங்களின் வழியாக குழாய் பதிக்கும் பணிகள் தொடங்கப்பட்டுள்ளன. ஆனால், இப்பகுதிகளில் விவசாயிகள் குறுவை சாகுபடியைத் தொடங்கியுள்ளனர். பல வயல்களில் குறுவை பயிர்கள் இளம் பயிர்களாக உள்ள நிலையில், கெயில் நிறுவனத்தினர், வயல்களின் நடுவே குழாய்களைப் பதிப்பதால் பயிர்கள் நாசமடைந்துள்ளதாக வருந்துகின்றனர்.

இதற்காக ஏக்கருக்கு ஒரு லட்சத்து 10 ஆயிரம் ரூபாய் இழப்பீடாக தருவதாகக் கூறிய கெயில் நிறுவனம், தற்போது 10 ஆயிரம் ரூபாயை மட்டுமே தருவதாகவும் குற்றம்சாட்டுகின்றனர். விளைநிலங்கள் வழியே குழாய் பதிக்க எதிர்ப்பு தெரிவித்து போராட்டம் செய்த 8 பேர் மீது காவல்துறையினர் நேற்று வழக்குப்பதிவு செய்த நிலையில், இன்றும் போராட்டம் செய்த விவசாயி கைது செய்யப்பட்டுள்ளார்.

இதுதொடர்பாக டிடிவி தினகரன் வெளியிட்டுள்ள அறிக்கையில், சோறு போடுகிற விவசாயம் ஏற்கனவே நலிவடைந்துள்ளது. இந்நிலையில், அதனை மேலும் அழிக்கும் இத்தகைய வேலைகளைச் செய்வது ஏன்? எனக் கேள்வி எழுப்பியுள்ளார். விவசாயிகளின் வயிற்றில் அடிக்கிற இந்தப் பணியை மத்திய, மாநில அரசுகள் உடனடியாக நிறுத்த வேண்டும் என்றும் அவர் வேண்டுகோள் விடுத்துள்ளார். மேலும், விவசாய நிலங்களை அழித்து எரிவாயு குழாய் பதிக்கிற வேலைகளை மத்திய அரசின் கெயில் நிறுவனம் மேற்கொண்டு வருவதாக குற்றம்சாட்டியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close