[X] Close
JUST IN
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு

தமிழ் அன்னை சிலையா..? ஆரிய மாதா சிலையா..? - வைகோ கேள்வி

vaiko-statement-about-tamil-annai-statue

மதுரையில் அமையப்போவது தமிழ் அன்னை சிலையா..? இல்லை ஆரிய மாதா சிலையா..? என வைகோ கேள்வி எழுப்பியுள்ளார்.

இதுதொடர்பாக அவர் வெளியிட்டுள்ள அறிக்கையில், கடந்த 2013-ஆம் ஆண்டு மதுரையில் 100 கோடி ரூபாய் செலவில் தமிழ்த் தாய் சிலை நிறுவப்படும் என அப்போதைய முதலமைச்சர் ஜெயலலிதா அறிவித்துள்ளதை சுட்டிக்காட்டியுள்ளார். ஜெயலலிதாவின் அறிவிப்பு வெளியாகி 6 ஆண்டுகள் ஆன நிலையில், அதனை நிறைவேற்ற தற்போது எடப்பாடி அரசு முன்வந்திருப்பதாக வைகோ குறிப்பிட்டுள்ளார்.

அதேநேரத்தில் தமிழன்னை வடிவம் கற்சிலையில் கூடாது; பளிங்குக் கல், பைபர், கண்ணாடி ஆகியவை கொண்டு உருவாக்கப்பட வேண்டும் எனத் தமிழக அரசின்  பூம்புகார் நிறுவனம் வெளியிட்டுள்ள அறிக்கை தமிழர்களின் நெஞ்சில் கனலை மூட்டி இருப்பதாக வைகோ தெரிவித்துள்ளார். தமிழினத்தின் தொன்மை வரலாற்றை நினைவு கூறும் வகையில் கற்சிலையாக தமிழ் அன்னை சிலையை வடித்தெடுப்பதற்கு மரபுவழி சிற்பிகள் தமிழ்நாட்டில் ஏராளமாக இருப்பதாக வைகோ கூறியுள்ளார்.

ஆனால் தமிழ்நாடு அரசு, பூம்புகார் நிறுவனத்தின் மேற்பார்வையில் வேதகால பிராமணிய, இந்து கலாச்சார முறைப்படி தமிழ் அன்னை சிலையை உருவாக்க திட்டமிடுவது கடும் கண்டனத்திற்குரியது எனக் குறிப்பிட்டுள்ள வைகோ, சங்ககால மரபையும், வேதகால மரபையும் எப்படி இணைக்க முடியும் எனக் கேள்வி எழுப்பியுள்ளார். எனவே தமிழர்களின் கலை, பண்பாட்டை பிரதிபலிக்கும் வகையில் ‘தமிழ் அன்னை’ சிலையை தமிழக சிற்பிகளைக் கொண்டு கற்சிலையாக மதுரையில் நிறுவிட தமிழக அரசு உரிய நடவடிக்கை மேற்கொள்ள வேண்டும் என்றும் வைகோ வலியுறுத்தியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close