[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

‘பைக்கில் லிப்ட் கேட்டு கொலை’ - குற்றவாளிகளை சுற்றிவளைத்து பிடித்த போலீஸ்

vellore-murder-case-police-arrested-the-culprits-with-in-24-hours

வேலூரில் இருசக்கர வாகனத்தில் லிப்ட் கேட்டு ஏற்பட்ட தகராறில் ஒருவரை கொலை செய்த இரண்டு நபர்களை காவல்துறையினர் கைது செய்தனர்.

வேலூர் மாவட்டம் அரக்கோணம் அடுத்த கீழ் ஆவதம் கிராமத்தைச் சேர்ந்தவர் தட்சிணாமூர்த்தி. நேற்று இருசக்கர வாகனத்தில் சென்ற இவரிடம், லிப்ட் தரும்படி மின்னல் கிராமத்தைச் சேர்ந்த வினோத் மற்றும் பார்த்திபன் ஆகியோர் கேட்டுள்ளனர். அப்போது இவர்களுக்குள் ஏற்பட்ட வாக்குவாதம் மோதலாக மாறி, வினோத் மற்றும் பார்த்திபன் கடுமையாக தாக்கியதில் தட்சிணாமூர்த்தி உயிரிழந்தார்.

இந்தக் கொலை சம்பவத்தை கண்டித்தும், கொலையாளிகளை கைது செய்ய வலியுறுத்தி கீழ்ஆவதம் கிராம மக்கள் மற்றும் உறவினர்கள் சாலை மறியலில் ஈடுபட்டனர். இதையடுத்து வேலூர் மாவட்ட காவல் கூடுதல் கண்காணிப்பாளர் பாலசுப்பிரமணி பொதுமக்களிடம் பேச்சுவார்த்தை நடத்தி, உரிய நடவடிக்கை எடுக்கப்படும் என உறுதியளித்தார். பின்னர் டிஎஸ்பி விஜயகுமார் தலைமையில் மூன்று ஆய்வாளர்கள் கொண்ட தனிப்படை போலீசார் வினோத் மற்றும் பார்த்திபனை தேடும் பணியில் ஈடுபட்டனர்.

வினோத் மற்றும் பார்த்திபன் கொலை செய்த பின்னர், இருசக்கர வாகனத்தில் சென்ற வழித்தடங்களில் உள்ள சிசிடிவி கேமராக்களை ஆய்வு செய்தனர். அத்துடன் அவர்கள் பயன்படுத்திய செல்போன் நெட்வொர்க் இடங்களையும் கண்டறிந்தனர். இதைத்தொடர்ந்து அரக்கோணம் அடுத்த செய்யூர் கிராமத்தில் உள்ள உறவினர் வீட்டில் பதுங்கி இருந்த இருவரையும் காவல்துறையினர் சுற்றிவளைத்தனர். தற்போது அவர்களை அரக்கோணம் கிராமிய காவல் நிலையத்தில் வைத்து விசாரித்து வருகின்றனர். அவர்கள் மீது ஏற்கனவே 3 கொலை வழக்குகள் மற்றும் பல்வேறு வழக்குகள் நிலுவையில் இருப்பது தெரியவந்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close