[X] Close
JUST IN
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.
  • BREAKING-NEWS தென் ஆப்பிரிக்காவுக்கு எதிரான மூன்றாவது டெஸ்ட்டில் ரோகித் சர்மா அசத்தல் சதம். போதிய வெளிச்சமின்மை காரணமாக முன்கூட்டியே முடிவுக்கு வந்தது முதல்நாள் ஆட்டம்
  • BREAKING-NEWS இடைத்தேர்தல் நடைபெறும் மூன்று தொகுதிகளிலும் பரப்புரை ஓய்ந்தது. வாக்குப்பதிவுக்கான ஏற்பாடுகள் தீவிரம்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்

உள்ளாட்சித் தேர்தலை தற்போது நடத்த இயலாது: தமிழக அரசு

local-body-elections-can-t-be-held-now-tamilnadu-govt

வாக்காளர் பட்டியலை சரிபார்க்க வேண்டியிருப்பதால், தற்போதைக்கு உள்ளாட்சி தேர்தலை நடத்த முடியாது என்று உச்சநீதிமன்றத்தில் தாக்கல் செய்துள்ள பிரமாண பத்திரத்தில் தமிழக அரசு தெரிவித்துள்ளது.

உள்ளாட்சி தேர்தல் உடனடியாக நடத்தக் கோரி, உச்சநீதிமன்றத்தில் தொடரப்பட்ட வழக்கில், தமிழக அரசு, புதிய பிரமாண பத்திரம் ஒன்றை இன்று தாக்கல் செய்தது. அதில், தற்போது மக்களவைத் தேர்தல் நடந்துவருவதால் உள்ளாட்சி தேர்தல் நடத்துவதற்கான வாக்காளர் பட்டியலை சரிபார்க்க, மாநில தேர்தல் ஆணையத்திடம் ஆட்களும் நேரமும் இல்லை. இதனால் உள்ளாட்சி தேர்தலை உடனடியாக நடத்த முடியவில்லை’ என்று தெரிவித்துள்ளது.

தேர்தல் நடத்தப்படாததால், உள்ளாட்சி அமைப்புகள் சரியாக செயல்படாமல் இருப்பதாகக் கூறப்படுவதை மறுத்துள்ள தமிழக அரசு, தூய்மை காவலர்கள் மூலமாக தமிழகம் முழுவதும் அனைத்து பணிகளும் செயல்படுத்தப்பட்டு வருகிறது. இதற்கான தனி அதிகாரி நியமிக்கப்பட்டுள் ளார் என்றும் தெரிவித்துள்ளது.

கடந்த ஒன்றரை ஆண்டுகளாக தமிழக அரசு உள்ளாட்சித் தேர்தல் தொடர்பாக பல பிரமாணப் பத்திரங்களை தாக்கல் செய்துள்ளது. இதற்கு முன் தாக்கல் செய்யப்பட்ட பிரமாண பத்திரத்தில், தொகுதி பங்கீடு காரணமாக உள்ளாட்சி தேர்தலை நடத்த முடியவில்லை என்று தெரிவித்திருந் தது. இப்போது மக்களவை தேர்தலை காரணம் காட்டி, தேர்தலை நடத்த முடியவில்லை என்று தெரிவித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close