[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

சுழன்றடித்த ஃபோனி புயல் : 8 பேர் உயிரிழப்பு?

fani-juggernaut-slams-odisha-at-least-8-dead

ஃபோனி புயல் சுழன்றடித்து சிதைத்துப் போட்டதில், ஒடிசா மாநிலத்தில் இதுவரை 8 பேர் உயிரிழந்ததாக தகவல் வெளியாகியுள்ளது.

அதிதீவிர புயலாக கரையைக் கடந்த ஃபோனி புயல், ஒடிசாவில் தனது ஆக்ரோஷத்தை முற்றிலும் வெளிப்படுத்தியது. ஒடிசா மாநிலத்தையே சிதைத்துப் போட்ட ஃபோனி, மாநிலம் முழுவதும் தனது அடையாளத்தை அழுத்தமாக பதித்துச் சென்றது. ஒடிசா முழுவதும் ரயில்வே துறையின் அடிப்படைக் கட்டமைப்புகளை புரட்டிப் போட்டுள்ளது. 

ஹவுரா - சென்னை ரயில் உள்ளிட்ட 220 ரயில் சேவைகள் ரத்து செய்யப்பட்டிருப்பதாக கிழக்கு கடற்கரை ரயில்வே நிர்வாகம் தெரிவித்துள்ளது. மோசமான வானிலை காரணமாக, புவனேஸ்வர் விமான நிலையத்திலிருந்து புறப்படும் 10 விமானங்கள் ரத்து செய்யப்பட்டுள்ளன. கொல்கத்தா உள்ளிட்ட நகரங்களிலிருந்து புவனேஸ்வர் செல்லும் 9 விமானங்களும் ரத்து செய்யப்பட்டுள்ளன. 

மாநிலம் முழுவதும் ஏராளமான மின்கம்பங்களும், செல்போன் டவர்களும் சாய்ந்து விழுந்ததால், மின்சாரம், இன்டர்நெட் சேவைகள் துண்டிக்கப் பட்டுள்ளன. தேசிய பேரிடர் மீட்புப்படையின் 38 குழுக்கள ஒடிசாவில் மீட்புப் பணிகளில் ஈடுபடுத்தப்பட்டுள்ளனர். பத்தாயிரத்துக்கும் அதிகமான கிராமங்களும், 50 -க்கும் அதிகமான நகரங்களும் ஃபோனியின் பாதிப்பில் சிக்கியிருப்பதாக தெரிவிக்கப்பட்டுள்ளது. 

ஒடிசாவில் புயல் மழை பாதிப்பில் 8 பேர் உயிரிழந்திருப்பதாக தகவல் வெளியாகியுள்ளது. மேலும், புயல் மற்றும் மழை பாதித்த பகுதிகளுக்கு நிவாரணப் பொருள்கள் அனுப்ப கட்டணம் செலுத்தத் தேவையில்லை என்று ரயில்வே நிர்வாகம் அறிவித்துள்ளது. ஒடிசாவை புயல் தாக்கிய நிலையில், மேற்கு வங்கம், ஆந்திரா மாநிலங்களில் கனமழை கொட்டித் தீர்த்துள்ளது. இதனால், மேகாலயா, அசாம் மாநிலங்களில் முன்னெச்சரிக்கை நடவடிக்கைகள் தீவிரப்படுத்தப்பட்டுள்ளன.

Advertisement:
இது தொடர்பான செய்திகள் :
Advertisement:
Advertisement:
[X] Close