[X] Close
JUST IN
  • BREAKING-NEWS கர்நாடகா: இன்று மாலை 6 மணிக்கு நம்பிக்கை வாக்கெடுப்பு நடத்த கோரிய வழக்கு நாளைக்கு ஒத்திவைப்பு
  • BREAKING-NEWS தமிழகத்தில் பரவலாக 2 நாட்களுக்கு மழை நீடிக்கும் - சென்னை வானிலை ஆய்வு மையம்
  • BREAKING-NEWS சூரியனை ஆய்வு செய்ய அடுத்த ஆண்டு ஆதித்யா விண்கலம் அனுப்பப்படும் - இஸ்ரோ தலைவர் சிவன்
  • BREAKING-NEWS கர்நாடகாவில் திறந்து விடப்பட்ட காவிரி நீர் மேட்டூர் அணையை வந்தடைந்தது

4 தொகுதி இடைத்தேர்தல் இறுதி வேட்பாளர்கள் பட்டியல் வெளியீடு

4-constituency-by-election-candidates-final-names-released

திருப்பரங்குன்றம், அரவக்குறிச்சி, சூலூர், ஓட்டப்பிடாரம் ஆகிய 4 சட்டமன்றத் இடைத்தேர்தலில் போட்டியிடும் இறுதி வேட்பாளர்கள் பட்டியல் வெளியிடப்பட்டன.

அரவக்குறிச்சி சட்டமன்றத் தொகுதி இடைத்தேர்தலில் போட்டியிட 77 பேர் 91 வேட்புமனுக்களை தாக்கல் செய்தனர். இதில் 68 பேரின் வேட்புமனுக்கள் ஏற்கப்பட்டு 23 வேட்புமனுக்கள் நிராகரிக்கப்பட்டன. தொடர்ந்து வேட்புமனு பரிசீலனையின்போது 5 பேர் வாபஸ் பெறப்பட்டதையடுத்து அரவக்குறிச்சியில் போட்டியிட 63 பேர் கொண்ட இறுதிவேட்பாளர் பட்டியல் வெளியிடப்பட்டது.

சூலூர் சட்டமன்றத் தொகுதி இடைத்தேர்தலில் போட்டியிட 61 பேர் வேட்புமனுத் தாக்கல் செய்திருந்தனர். இதில் 39 பேரின் வேட்புமனு நிராகரிக்கப்பட்டு 22 பேரின் வேட்புமனு ஏற்கப்பட்டது. பின்னர், யாரும் வேட்புமனுவை வாபஸ் பெறாததால் சூலூர் இடைத்தேர்தலில் 22 வேட்பாளர்கள் களத்தில் உள்ளனர்.

திருப்பரங்குன்றம் சட்டமன்றத் தொகுதி இடைத்தேர்தலில் போட்டியிட 63 பேர் வேட்புமனுத் தாக்கல் செய்திருந்த நிலையில் 19 பேரின் வேட்புமனு நிராகரிக்கப்பட்டு 44 பேரின் வேட்புமனு ஏற்கப்பட்டது. இதில் வேட்புமனு பரிசீலனையின்போது 7 பேர் தங்கள் வேட்புமனுவை வாபஸ் பெற்றனர். இதனையடுத்து திருப்பரங்குன்றம் சட்டமன்றத் தொகுதி இடைத்தேர்தலில் 37 வேட்பாளர்கள் இறுதியாக களத்தில் உள்ளனர்.

ஓட்டப்பிடாரம் சட்டமன்றத் தொகுதி இடைத்தேர்தலில் போட்டியிட 41 பேட் வேட்புமனுத் தாக்கல் செய்திருந்தனர். இதில் 23 பேரின் மனுக்கள் தள்ளுபடி செய்யப்பட்டு 18 பேரின் வேட்புமனுக்கள் ஏற்கப்பட்டன. பின்னர் வேட்புமனு பரிசீலனையின்போது 3 சுயேச்சைகள் வாபஸ் பெற்றதால், இறுதியாக 15 வேட்பாளர்கள் களத்தில் உள்ளனர். 4 தொகுதி இடைத்தேர்தலிலும் ஓட்டப்பிடாரம் தொகுதியிலேயே குறைவான எண்ணிக்கையில் வேட்பாளர்கள் போட்டியிடுகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close