[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

கும்பகோணம் ராமலிங்கம் கொலை வழக்கு : திருச்சி, காரைக்காலில் என்.ஐ.ஏ அதிகாரிகள் சோதனை 

the-national-investigation-agency-is-investigating-in-several-places-in-tn

கும்பகோணம் ராமலிங்கம் கொலை வழக்கு தொடர்பாக, திருச்சி, காரைக்கால், கும்பகோணம் பகுதியில் உள்ள பாப்புலர் பிரண்ட் ஆப் இந்தியா அலுவலகத்தில் தேசிய புலனாய்வு முகமையினர்  விசாரணை நடத்தி வருகின்றனர்.

Related image

கடந்த பிப்ரவரி மாதம் 5 ஆம் தேதி கும்பகோணம் அருகே உள்ள திருபுவனத்தில் மத மாற்றத்திற்கு எதிராக போராடிய ராமலிங்கம் என்பவர் வெட்டிக்கொலை செய்யப்பட்டார். இக்கொலை வழக்கில் 11 பேர் கைது செய்யப்பட்டு சிறையில் அடைக்கப்பட்டுள்ள நிலையில் இக்கொலை வழக்கை தேசிய புலனாய்வு அமைப்பு விசாரணை நடத்த வேண்டும் என்ற கோரிக்கை எழுந்தது. இதனையடுத்து இந்த வழக்கை என்.ஐ.ஏ எனப்படும் தேசிய புலனாய்வு அமைப்புக்கு மாற்றப்பட்டதால், என்.ஐ.ஏ அதிகாரிகள் விசாரணையை தீவிரப்படுத்தியுள்ளனர்.

இந்நிலையில் கொச்சியிலிருந்து ஏ.எஸ்.பி. சவுக்கத் அலி தலைமையிலான 4 பேர் கொண்ட என்.ஐ.ஏ. குழுவினர் கடந்த 4 நாட்களுக்கு முன் திருபுவனம் வந்து முகாமிட்டு தங்கள் விசாரணையை தொடங்கினர். முதற்கட்டமாக கொலை செய்யப்பட்ட ராமலிங்கத்தின் மகன் விஸ்வாவிடம் அதிகாரிகள் விசாரணை நடத்தினர். இதனைதொடர்ந்து இன்று கும்பகோணம் மீன் மார்க்கெட் அருகே உள்ள எஸ்.டி.பி.ஐ. அலுவலகத்தில் சோதனை நடத்தி வருகின்றனர்.

இந்த சூழலில் திருச்சி பாலக்கரையில் உள்ள பாப்புலர் பிரண்ட் ஆப் இந்தியா அலுவலகத்தில் தேசிய புலனாய்வு அமைப்பின் அதிகாரிகள் விசாரணை மேற்கொண்டுள்ளனர். அங்கு பாப்புலர் பிரண்ட் ஆப் இந்தியா நிர்வாகிகளிடமும் விசாரணை மேற்கொள்ளபட்டு வருவதாக கூறப்படுகிறது. மேலும் காரைக்கால் பாப்புலர் பிரண்ட் ஆப் இந்தியா அலுவலகத்திலும் தேசிய புலனாய்வு அமைப்பின் அதிகாரிகள் விசாரணை மேற்கொண்டு வருகின்றனர். 

இது குறித்து குழுவில் உள்ள அதிகாரியிடம் பேசிய போது ராமலிங்கம் என்பவர் கொலை வழக்கு தொடர்பாக விசாரணை நடத்தி வருவதாக தகவல் தெரிவித்துள்ளனர். சோதனையின் முடிவில் தான் முக்கிய ஆவணங்கள் கைப்பற்றப்பட்டதா என தெரிய வரும் என்று எதிபார்க்கப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close