[X] Close
JUST IN
  • BREAKING-NEWS தமிழக சட்டப்பேரவைக் கூட்டம் தேதி குறிப்பிடாமல் ஒத்திவைப்பு
  • BREAKING-NEWS ஹைட்ரோகார்பன் திட்டத்தால் பாலைவனம் சோலைவனம் ஆகும்; சோலைவனம் பாலைவனம் ஆகாது - தமிழிசை
  • BREAKING-NEWS 6 மாநிலங்களுக்கு ஆளுநர்கள் நியமனம் - ஆனந்திபென் பட்டேல் உ.பிக்கு மாற்றம்
  • BREAKING-NEWS டெல்லி முன்னாள் முதல்வர் ஷீலா தீக்ஷித் காலமானார்

10 குழந்தைகளை விற்றதாக ஆம்புலன்ஸ் ஓட்டுநர் வாக்குமூலம்

child-sale-case-enquiry-continue-for-the-3rd-day

நாமக்கல் மாவட்டம் கொல்லிமலை வாழவந்திநாடு அரசு மருத்துவமனை ஆம்புலன்ஸ் ஓட்டுநர் முருகேசன் ஓய்வுபெற்ற செவிலி அமுதாவிடம்10 குழந்தைகளை விற்றதாக வாக்குமூலம் அளித்திருப்பது அதிர்ச்சியை ஏற்படுத்தியுள்ளது.

‌குழந்தை விற்பனையில் ஈடுபட்டதாக ராசிபுரத்தைச் சேர்ந்த ஓய்வுபெற்ற அமுதா மற்றும் அவரது கணவர் ரவிச்சந்திரன் ஆகியோர் ஏற்கெனவே கைது செய்யப்பட்டனர். அவர்கள் அளித்த தகவலின் பேரில் அரசு ஆம்புலன்ஸ் ஓட்டுநர் முருகேசன் மற்றும் தனியார் மருத்துவமனை செவிலி பர்வீன் ஆகியோரை காவல்துறையினர் கைது செய்தனர்.

அவர்களிடம் நடத்தப்பட்ட விசாரணையில் திடுக்கிடும் தகவல்கள் வெளியாகி உள்ளன. குறிப்பாக ஆம்புலன்ஸ் ஓட்டுநர் முருகேசனின் வாக்குமூலம் அதிர்ச்சியை ஏற்படுத்தியுள்ளது. கொல்லிமலை சுற்றுவட்டாரத்தைச் சேர்ந்த 10 குழந்தைகளை அமுதாவிடம் விற்றேன் என முருகேசன் வாக்குமூலம் அளித்திருப்பதாகத் தெரிகிறது. இவர்கள் தவிர திருச்செங்கோடு, குமாரபாளையம், பவானியைச் சேர்ந்த 3 பெண்களிடம் குழந்தை விற்பனை தொடர்பாக காவல்துறையினர் விசாரணை நடத்தி வருகின்றனர்.

கடந்த 2 ஆண்டுகளில் ராசிபுரம் மற்றும் கொல்லிமலையில் வழங்கப்பட்ட பிறப்புச் சான்றிதழ்களின் உண்மைத் தன்மையை ஆராயும் பணியும் நடந்து வருகிறது. இதன்மூலம் மேலும் பல முக்கிய தகவல்கள் வெளியாகும் என்று எதிர்பார்க்கப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close