[X] Close
JUST IN
  • BREAKING-NEWS நாடு முழுவதும் ஒரே நேரத்தில் தேர்தல் என்பது தேர்தல் ஆணையத்தின் செலவை குறைக்கும், நேரத்தையும் குறைக்கும்- திருமாவளவன்
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி

ஜல சமாதி’ அடைந்த சிறுவன்..! - ஆட்சியர் முன் தோண்டி எடுக்கப்பட்ட உடல்

a-man-suicide-in-water-in-aarani-his-body-dig-front-of-collector-and-sp

ஆரணி அருகே ‘ஜல சாமதி’ என்ற பெயரில் கிணற்றில் விழுந்து உயிரை மாய்த்துக்கொண்ட சிறுவனின் உடல், மாவட்ட ஆட்சியர் மற்றும் காவல் கண்காணிப்பாளர் முன்னிலையில் தோண்டி எடுக்கப்பட்டது.

திருவண்ணாமலை மாவட்டம் ஆரணியை அடுத்த படவேடு பகுதியை சேர்ந்த அரசு பள்ளி ஆசிரியர் ஹரி கிருஷ்ணன். இவரது மகன் தனநாராயணன் கடந்த மாதம் ‘ஜல சமாதி’ என்ற பெயரில் விவசாய கிணறு ஒன்றில் குதித்து உயிரை மாய்த்து கொண்டார். அவரது உடல் பெற்றோர், மூச்சு பயிற்சி பிரணயாகம் சுவாமி பழனி மற்றும் உறவினர்கள் முன்னிலையில் தியான நிலையில் அடக்கம் செய்யப்பட்டது. 

இதுகுறித்து வாட்ஸ் அப், ஃபேஸ்புக், டுவிட்டரில் உள்ளிட்ட சமூக வலைத்தளங்களில் தகவல் பரவியது. இந்த விவகாரம் பெரும் சர்ச்சையாகவும் ஆனது. இதையடுத்து மாவட்ட நிர்வாகத்திற்கு தகவல் தெரியவர, மாவட்ட ஆட்சியர் கே.எஸ் கந்தசாமி மற்றும் காவல் கண்காணிப்பாளர் சி.பி. சக்கரவர்த்தி ஆகியோர் தலைமையில் இறந்தவரின் உடலை தோண்டி எடுக்க முடிவு செய்யப்பட்டது. இதையடுத்து ஆட்சியர், எஸ்.பி மற்றும் வட்டாச்சியர் ஜெயவேலு ஆகியோரின் முன்னிலையில் மருத்துவ குழுவினர் தனநாராயணன் உடலை தோண்டி எடுத்தனர். 

பின்னர், அவரது உடல் பிரேத பரிசோதனை செய்யப்பட்டது. அதன்பின், தனநாராயணன் உடலை மீண்டும் பெற்றோரிடம் மாவட்ட நிர்வாகம் ஒப்படைத்தது. அவர்கள் அவரது உடலை முன்பு போன்றே தியான நிலையில் அதே இடத்தில் அடக்கம் செய்தனர். இந்த சம்பவம் தொடர்பாக செய்தியாளர்களிடம் பேசிய மாவட்ட ஆட்சியர், மருத்துவ அறிக்கை கிடைத்த உடன் மேற்கொண்டு நடவடிக்கை எடுக்கப்படும் என்று தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close