[X] Close
JUST IN
  • BREAKING-NEWS தமிழகத்தில் ஜூன் 3ம் தேதி பள்ளிகள் திறக்கப்படும் என்பதில் எந்த மாற்றமும் இல்லை - அமைச்சர் செங்கோட்டையன்
  • BREAKING-NEWS 5 ஆண்டுகள் விரைவாக சென்றுவிடும் என்பதால் அடுத்த பிரதமராக ராகுல் காந்தி நிச்சயம் வருவார்- திருநாவுக்கரசர்
  • BREAKING-NEWS சென்னை உட்பட தமிழகம் முழுவதும் தனியார் குடிநீர் லாரி உரிமையாளர்கள் சங்கம் அறிவித்த வேலைநிறுத்தம் தற்காலிக வாபஸ்
  • BREAKING-NEWS காவிரி ஆணைய கூட்டத்தில் மேகதாது அணை கட்ட கர்நாடக அரசுக்கு அனுமதி வழங்கக்கூடாது என்பதை வலியுறுத்த தமிழக அரசு முடிவு
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்

“வாக்குச் சாவடிகளை கைப்பற்ற அதிமுக திட்டம்” - திமுக புகார்

admk-plan-to-surround-many-voting-booths-dmk-complaint

மாலை 3 மணிக்கு மேல் தமிழகத்திலுள்ள பல்வேறு வாக்குச்சாவடிகளை அதிமுகவினர் கைப்பற்றிட திட்டமிட்டுள்ளதாக திமுக புகார் அளித்துள்ளது.

மக்களவைத் தேர்தல் மற்றும் 18 சட்டமன்ற இடைத் தேர்தலுக்கான வாக்குப்பதிவு இன்று தமிழகத்தில் மும்முரமாக நடைபெற்று வருகிறது. இதுவரை 40% கடந்து வாக்குப்பதிவு சென்று கொண்டிருக்கிறது. அத்துடன் ஆங்காங்கே வாக்கு இயந்திரக் கோளாறு, சிறுசிறு பிரச்னைகள் என வாக்குப்பதிவு நடைபெற்று வருகிறது. 

இந்நிலையில் திமுக தரப்பிலிருந்து அதிமுக மீது பகிரங்க குற்றச்சாட்டு ஒன்று முன்வைக்கப்பட்டு, தலைமைத் தேர்தல் அதிகாரி மற்றும் காவல்துறை இயக்குநருக்கு புகார் அனுப்பட்டுள்ளது. அதில், ‘தமிழகம் முழுவதும் உள்ள அனைத்து தொகுதிகளில் வாக்குப்பதிவு தொடங்கியது முதல், திமுக மற்றும் அதன் கூட்டணி வேட்பாளர்களுக்கு வாக்களித்து வருவதை பொறுக்க முடியாத ஆளுங்கட்சியும் அதன் கூட்டணி கட்சிகளும் மாலை 3 மணிக்கு மேல் பல்வேறு வாக்குச்சாவடிகளை கைப்பற்ற திட்டமிட்டுள்ளனர். 

அதற்கு ஒத்துழைப்பு தரும் வகையில் காவல்துறையினர் பாதுகாப்பினை திரும்பப் பெற திட்டமிட்டுள்ளதாகவும், வாக்குச்சாவடிகளில் உள்ள சிசிடிவி கேமராக்களை அந்த நேரத்தில் செயலிழக்கச் செய்யப்போவதாகவும் தகவல்கள் வந்துள்ளது. இதனை தடுக்க தேர்தல் ஆணையம் உடனடியாக நடவடிக்கை எடுக்க வேண்டும்” என்று தெரிவிக்கப்பட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close