[X] Close
JUST IN
  • BREAKING-NEWS மதுரை மக்களவை தொகுதியில் இரவு 8 மணியுடன் வாக்குப்பதிவு நிறைவடைந்தது
  • BREAKING-NEWS அரியலூர் மாவட்டம் பொன்பரப்பி கிராமத்தில் இருதரப்பினர் இடையே மோதல்; வீடுகள் வாகனங்கள் நொறுக்கப்பட்ட நிலையில் காவல்துறையினர் குவிப்பு
  • BREAKING-NEWS தமிழகத்தில் மதுரை மக்களவை தொகுதியை தவிர்த்து மற்ற அனைத்து தொகுதிகளிலும் மக்களவை, சட்டமன்ற இடைத்தேர்தல் வாக்குப்பதிவு நிறைவடைந்தது
  • BREAKING-NEWS பல வாக்குச்சாவடிகளில் பழுதான மின்னணு வாக்குப்பதிவு இயந்திரங்களை மாற்ற வேண்டும்; வாக்குப்பதிவு இயந்திரங்கள் பழுதால் வாக்குப்பதிவு நேரத்தை நீட்டிக்கவும் கோரிக்கை - தேர்தல் அதிகாரியிடம் காங்கிரஸ் வலியுறுத்தல்
  • BREAKING-NEWS பெரம்பலூர் தொகுதியில் உள்ள வெங்கலம் அரசு தொடக்க பள்ளி வாக்குச் சாவடியில் அதிமுகவினர் குடிபோதையில் ரகளை என புகார்
  • BREAKING-NEWS தமிழகத்தில் காலை 9 மணி நிலவரப்படி வெறும் 4.86% வாக்குகள் மட்டுமே பதிவாகியுள்ளன

“டாஸ்மாக்கிற்கு பதிலாக வருவாய்க்கு வேறு திட்டம் உள்ளதா?” - நீதிமன்றம் கேள்வி

tn-govt-have-any-idea-for-replace-tasmac-income-high-court-branch-question

டாஸ்மாக்கை மூடினால் ஏ‌‌‌‌‌‌ற்‌‌ப‌‌‌‌‌டும் வருவாய் இழப்பை ஈடுசெய்ய தமிழக அரசிடம் திட்டம் ஏதும் உள்ளதா என உ‌யர்நீதிமன்ற மதுரைக் கிளை கேள்வி எழுப்பியு‌ள்ளது.

தஞ்சை பள்ளி அ‌க்ரஹாரம் ‌பகுதியில் கோயில், பள்ளிக்கூடத்துக்கு அருகே அமைந்துள்ள டாஸ்மாக் கடையை மூட வேண்டும் என மகேந்திரன் என்பவர் உயர்நீதிமன்ற மதுரைக்கிளையில் மனுத்தாக்கல் செ‌ய்தார். இந்த வழக்கு நீதிபதிகள் கிருபாகரன், எஸ்.எஸ்.சுந்தர் ஆகியோர் அடங்கிய அமர்வு முன்பு விசாரணைக்கு வந்தது. அப்போது, டாஸ்மாக் நிர்வாக இயக்குனர் தரப்பில் தாக்கல் செய்யப்பட்ட அறிக்கையில், கடந்த 2016ஆம் ஆண்டு 500 கடைகளும், 2017ஆம் ஆண்டு 500 கடைகளும் மூடப்பட்டுள்ளன எனத் தெரிவிக்கப்பட்டது. 

தற்போதைய நிலவரப்படி 5 ஆயிரத்து 239 டாஸ்மாக் கடைகள் தமிழகத்தில் உள்ளன என்றும், அவற்றை படிப்படியாக குறைக்க நடவடிக்கை எடுக்கப்பட்டு வருவதாக குறிப்பிடப்பட்டிருந்தது. டாஸ்மாக் நிர்வாக இயக்குனர் தரப்பில் தாக்கல் செய்யப்பட்டுள்ள பதில் அறிக்கை ஏற்கத்தக்கதல்ல என்று கூறிய நீ‌திபதிகள், தமிழக அரசு தரப்பில் உரிய பதில் அளிக்க வேண்டும் என்றனர். 

டாஸ்மாக்கை மூடினால் ஏற்படும் வருவாய் இழப்பை ஈடுசெய்ய, வரிகளை உயர்த்துதல் போன்ற வேறு திட்டங்கள் தமிழக அரசிடம் உள்ளதா ? என நீதிபதிகள் கேள்வி எழுப்பினர். அரசு எடுக்கும் முடிவுகள் மக்கள் நலன் சார்ந்ததாக இருக்க வேண்டும் எனவும் கருத்து தெரிவித்தனர். இதுகுறித்து தமிழக அரசு பதிலளிக்க உத்தரவிட்டு வழக்கை ஏப்ரல் 23ஆம் தேதிக்கு ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close