[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“சிறுபான்மையினருக்கு அதிமுக அரசு அரணாக திகழ்கிறது” - முதலமைச்சர் பழனிசாமி

admk-government-like-a-safe-guard-for-muslim-and-christians-cm-palanisamy

அதிமுக அரசு தமிழகத்தில் உள்ள சிறுபான்மையின மக்களுக்கு பாதுகாப்பு அரணாகத் திகழ்வதாக முதலமைச்சர் எடப்பாடி பழனிசாமி தெரிவித்துள்ளார்.

மக்களவைத் தேர்தலில் அதிமுக கூட்டணிக்கட்சி வேட்பாளர்களை ஆதரித்து, தமிழகம் முழுவதும் முதலமைச்சர் எடப்பாடி பழனிசாமி பரப்புரை மேற்கொண்டு வருகிறார். நெல்லை மக்களவைத் தொகுதியில் களமிறங்கியுள்ள அதிமுக வேட்பாளர் மனோஜ் பாண்டியனுக்கு ஆதரவாக, தொகுதிக்குட்பட்ட வள்ளியூர், நெல்லை, மேலப்பாளையம், அம்பாசமுத்திரம், ஆலங்குளம் உள்ளிட்ட பகுதிகளில் அவர் வாக்கு சேகரித்தார். திறந்தவெளி வாகனத்தில் நின்றவாறே பேசிய எடப்பாடி பழனிசாமி, தமிழகம் சாதி மதச் சண்டைகள் இன்றி அமைதிப் பூங்காவாகத் திகழ்வதாகக் கூறினார்.

நெல்லையைத் தொடர்ந்து, தென்காசி மக்களவைத் தொகுதியில் போட்டியிடும் கூட்டணிக் கட்சியான புதிய தமிழகம் கட்சித் தலைவர் கிருஷ்ணசாமியை ஆதரித்து அவர் பரப்புரையில் ஈடுபட்டார். கடையநல்லூர், புளியங்குடி, சங்கரன்கோவில் உள்ளிட்ட பகுதிகளில் வாக்கு சேகரித்தார். பின்னர் விருதுநகர் மக்களவைத் தொகுதி தேமுதிக வேட்பாளர் அழகர்சாமி, சாத்தூர் சட்டமன்றத் தொகுதி அதிமுக வேட்பாளர் ராஜவர்மன் ஆகியோரை ஆதரித்து பரப்புரை செய்த எடப்பாடி பழனிசாமி, பட்டாசுத் தொழிலைப் பாதுகாக்க நடவடிக்கை எடுக்கப்பட்டு வருவதாகக் கூறினார். அத்துடன் அதிமுக அரசு தமிழகத்தில் உள்ள சிறுபான்மையினருக்கு பாதுகாப்பு அரணாக திகழ்வதாகவும் கூறினார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close