[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

கோவை சிறுமி பாலியல் வழக்கில் கைதானவருக்கு பொது மக்கள் தர்மஅடி

covai-child-harassment-case-arrested-man-attack-by-public

கோவை சிறுமி பாலியல் வன்கொடுமை செய்யப்பட்ட வழக்கில் கைது செய்யப்பட்டுள்ள சந்தோஷ்குமாரை மருத்துவமனை வெளியே மக்கள் சரமாரியாக தாக்கினர்.

கோவையில் கடந்த மாதம் 25 ஆம் தேதி காணாமல் போன சிறுமி, மறுநாள் வீட்டின் அருகிலேயே சடலமாக மீட்கப்பட்டார். விசாரணையில், சிறுமி பாலியல் வன்கொடுமை செய்யப்பட்டு கொலை செய்யப்பட்டது தெரியவந்தது. தமிழகத்தையே அதிர்ச்சிக்குள்ளாக்கிய இச்சம்பவம் தொடர்பாக, 14 தனிப்படைகள் அமைக்கப்பட்டு காவல் துறையினர் தீவிர விசாரணை நடத்தி வந்தனர். இதையடுத்து சிறுமியைக் கொலை செய்ததாக சந்தோஷ்குமார் என்ற இளைஞரை கடந்த 31ஆம் தேதி போலீசார் கைது செய்தனர். கடந்த ஆறு நாட்களாக அவர் காவல்துறை கட்டுப்பாட்டில் இருந்தார்.

இந்நிலையில் சந்தோஷ்குமார் பாலியல் வன்கொடுமை செய்தாரா என்பதை உறுதி செய்ய இன்று கோவை அரசு மருத்துவமனைக்கு அழைத்து வந்தனர். அங்கு மருத்துவ பரிசோதனை முடிந்த பின்னர் வெளியே வந்த சந்தோஷை, அங்கு கூடியிருந்த மக்கள் காவல்துறையினர் எதிரிலேயே தாக்கத்தொடங்கினர். 

அப்போது காவல்துறையினர் மக்களை தடுத்து அவரை மீட்டனர். தாக்குதல் நடத்திய மக்கள், ஒரு சிறுமியை இவ்வளவு கொடூரமாக கொன்றுள்ளான், இவனை எப்படி சும்மா விடுவது என ஆதங்கத்துடன் தாக்கினர். இந்தத் தாக்குதலில் அவருக்கு பெரிதாக காயங்கள் எதுவும் ஏற்படவில்லை.
 

Advertisement:
Advertisement:
Advertisement:
[X] Close