[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

சைக்கிள்களை திருடி விற்ற டியூசன் மாஸ்டர் கைது

tuition-master-has-arrested-for-stealing-the-expensive-bicycles

பொள்ளாச்சியில் விலை உயர்ந்த சைக்கிள்களை திருடி விற்பனை செய்த டியூசன் மாஸ்டர் பார்த்திபன் உள்ளிட்ட 2 பேரை காவல்துறையினர் கைது செய்துள்ளனர். 

பொள்ளாச்சி மகாலிங்கபுரம் உள்ளிட்ட பல்வேறு பகுதிகளில் கடந்த சில மாதங்களாக விலை உயர்ந்த சைக்கிள்கள் காணமல் போவது தொடர் கதையாக இருந்து வந்தது. வர்த்தக நிறுவனங்களுக்கு முன்பு நிறுத்தி வைக்கப்படும் சைக்கிள்கள், வீட்டில் நிறுத்தி வைக்கப்பட்டிருக்கும் சைக்கிள்கள், பள்ளி மாணவர்கள் டியூசன் செல்லும்போது அங்கு நிறுத்தி வைக்கப்படும் சைக்கிள்கள் என விலை உயர்ந்த சைக்கிள்கள் அடிக்கடி மாயமாகி வந்தது. விலை உயர்ந்த சைக்கிள்களை மட்டும் குறிவைத்து மர்மநபர்கள் யாரோ திருடிச் சென்றது அப்பகுதி மக்களிடையே பெரும் சந்தேகத்தையும் அதிர்ச்சியையும் ஏற்படுத்தியது.

எனவே இதுகுறித்து சைக்கிளை பறிகொடுத்தவர்கள் மகாலிங்கபுரம் காவல் நிலையத்தில் புகார் கொடுத்துள்ளனர். இதையடுத்து வழக்குப்பதிவு செய்த போலீசார் சைக்கிள்கள் நிறுத்தப்பட்டு இருந்த இடங்களில் இருந்த சிசிடிவி கேமராக்களை ஆய்வு செய்தனர். அதில் சில நபர்கள் சைக்கிள்களை லாவகமாக திருடிச்சென்றது தெரியவந்தது. பின்னர் அதன் அடிப்படையில் விசாரணை செய்த போலீசார் நேற்று கோட்டாம்பட்டி பகுதியில் சைக்கிளுடன் சென்று கொண்டிருந்த நபரை பிடித்து விசாரணை செய்தனர்.

அப்போது அவர் மகாலிங்கபுரம் பகுதியில் டியூசன் நடத்தி வரும் பார்த்திபன் என்பது தெரியவந்தது. இவர் டியூசனுக்கு வரும் சில மாணவர்களிடம் சைக்கிள்களை திருடி வருமாறு கூறுவார். அப்படி அந்த மாணவர்கள் சைக்கிளை திருடி வந்தவுடன், இவரது நண்பர் லோகுராஜ் என்பவரிடம் அதனை விற்பனை செய்வது தெரியவந்தது. 

பின்னர் இருவரையும் கைது செய்த போலீசார், பல்வேறு பகுதிகளில் விற்பனை செய்த 30க்கும் மேற்பட்ட சைக்கிள்களை பறிமுதல் செய்துள்ளனர். மேலும்  கைது செய்யப்பட்ட இருவரும் நீதிமன்றத்தில் ஆஜர்படுத்தப்பட்டு கோவை மத்திய சிறையில் அடைக்கப்பட்டனர். மாணவர்களை பயன்படுத்தி டியூசன் மாஸ்டர் சைக்கிள்களை திருடி வந்த சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close