[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

துரைமுருகன் வீட்டில் வருமான வரித்துறை அதிகாரிகள் நடத்திய சோதனை நிறைவு

income-tax-raids-at-durai-murugan-house-ends

திமுக பொருளாளர் துரைமுருகனின் வீட்டில் வருமான வரித்துறை அதிகாரிகள் நள்ளிரவு தொடங்கி நடந்த சோதனை நிறைவடைந்தது.

துரைமுருகனின் மகன் கதிர் ஆனந்த் வேலூர் மக்களவைத் தொகுதியில் திமுக சார்பில் போட்டியிடுகிறார். இந்நிலையில், வேலூர் மாவட்டம் காட்பாடி - காந்திநகரில் உள்ள துரைமுருகனின் வீட்டுக்கு நேற்றிரவு பத்தரை மணிக்கு வருமான வரித்துறை மற்றும் தேர்தல் பறக்கும் படையினரும் சோதனை நடத்துவதற்காக வந்தனர். அப்போது அங்கிருந்த திமுக தொண்டர்கள், சோதனை நடத்த எதிர்ப்பு தெரிவித்து வாக்குவாதத்தில் ஈடுபட்டனர்.

இதைத்தொடர்ந்து சுமார் 4 மணி நேரத்துக்குப் பிறகு, துரைமுருகனின் வீட்டில் சோதனை தொடங்கியது. அங்கிருந்த துரைமுருகனின் கார் உள்ளிட்ட வாகனங்களிலும் சோதனை நடத்தப்பட்டது. காட்பாடியில் உள்ள துரைமுருகனின் வீட்டில் நடைபெறும் சோதனையைப் போல, வாணியம்பாடியில் உள்ள திமுக முன்னாள் மாவட்டச் செயலாளர் தேவராஜின் வீட்டில் 2 மணி நேரம் அதிகாரிகள் சோதனை நடத்தினர். அங்கு ஆவணங்களோ, பணமோ எதுவும் கைப்பற்றப்படவில்லை.

இதேபோல, காட்பாடி கிருஸ்தியான்பேட்டையில் உள்ள துரைமுருகன் மகன் கதிர் ஆனந்துக்குச் சொந்தமான பொறியியல் கல்லூரியிலும், பள்ளியிலும் வருமான வரித்துறையினர் சோதனை நடத்தினர். இந்த சோதனை காலை எட்டரை மணி அளவில் நிறைவடைந்தது‌.

இதன்பின் செய்தியாளர்களிடம் பேசிய துரைமுருகன், “ தேர்தல் நடைபெறவுள்ள நிலையில் எங்கள் வீட்டில் சோதனை நடத்தவேண்டிய காலம் இது அல்ல. தேர்தல் நேரத்தில் சோதனை நடத்த வேண்டிய அவசியம் என்ன? போன மாதம் எங்கள் வீட்டிற்கு வந்திருக்கலாமே? பெரிய கார்ப்பரேட் நிறுவனத்தை நாங்கள் நடத்தவில்லை, சாதாரண கல்லூரியை நடத்தி வருகிறோம். வேலூர் தொகுதியில் கதிர் ஆனந்தின் வெற்றி பிரகாசமாக இருக்கிறது; அதை திசைதிருப்பவே சோதனை நடத்தப்பட்டிருக்கிறது.

மன உளைச்சலை ஏற்படுத்தி, அச்சத்தை ஏற்படுத்தி பணிய வைத்துவிடலாம் என்று சோதனை நடத்துகிறார்கள். இது மத்திய, மாநில அரசு நடத்தியுள்ள சோதனை. வருமான வரித்துறை மூலம் எங்கள் முதுகில் குத்துகிறார்கள். நேருக்கு நேர் எதிர்க்க முடியாமல் வருமான வரித்துறை சோதனை மூலம் சூழ்ச்சி செய்கின்றனர். மக்களுக்கு யார் துரோகம் செய்தார்கள் என்பது தெரியும். மிரட்டுவது,‌ பொய் வழக்கு போடுவது, பூச்சாண்டி காட்டுவதை கண்டு திமுகவினர் அஞ்சமாட்டார்கள். எதிர்க்கட்சிகள் ஜெ என்று சொல்வார்கள் என அவர்கள் எண்ணுகிறார்கள். சோதனை முடித்துவிட்டு அவர்கள் சென்றுவிட்டனர், நானும் என் பிரசார பணிக்கு கிளம்பிவிட்டேன்” என தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close