[X] Close
JUST IN
  • BREAKING-NEWS தமிழகத்தில் ஜூன் 3ம் தேதி பள்ளிகள் திறக்கப்படும் என்பதில் எந்த மாற்றமும் இல்லை - அமைச்சர் செங்கோட்டையன்
  • BREAKING-NEWS 5 ஆண்டுகள் விரைவாக சென்றுவிடும் என்பதால் அடுத்த பிரதமராக ராகுல் காந்தி நிச்சயம் வருவார்- திருநாவுக்கரசர்
  • BREAKING-NEWS சென்னை உட்பட தமிழகம் முழுவதும் தனியார் குடிநீர் லாரி உரிமையாளர்கள் சங்கம் அறிவித்த வேலைநிறுத்தம் தற்காலிக வாபஸ்
  • BREAKING-NEWS காவிரி ஆணைய கூட்டத்தில் மேகதாது அணை கட்ட கர்நாடக அரசுக்கு அனுமதி வழங்கக்கூடாது என்பதை வலியுறுத்த தமிழக அரசு முடிவு
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்

கந்துவட்டி கொடுமையால் ஆட்சியர் அலுவலகம் முன் குடும்பத்துடன் தீக்குளிக்க முயற்சி

usury-interest-horrible-a-family-try-to-attempt-suicide-in-front-of-collector-office

கரூரில் கந்துவட்டி கொடுமையால் ஆட்சியர் அலுவலகம் முன்பு ஒரு குடும்பம் தீக்குளிக்க முயன்ற சம்பவம் பெரும் அதிர்ச்சியை ஏற்படுத்தி இருக்கிறது.

கரூரைச் சேர்ந்த அந்தோணிராஜ் என்பவர், இருசக்கர வாகனங்களை பழுது நீக்கும் கடை நடத்தி வருகிறார். இவர் குடும்பச் செலவுக்காக 40 ஆயிரம் ரூபாய் கந்துவட்டியாக கடன் பெற்றுள்ளார். அந்தப் பணத்தை திரும்ப செலுத்தும்படி, கந்துவட்டிக்காரர்கள் அந்தோணிராஜுக்கும் அவரது குடும்பத்தினருக்கும் நெருக்கடி கொடுத்துள்ளனர். இதனால் மனமுடைந்த அந்தோணிராஜ், தனது மனைவி, மகள் மற்றும் மகனுடன் மாவட்ட ஆட்சியர் அலுவலகத்திற்கு சென்று திடீரென மண்ணெண்ணெய் ஊற்றிக் கொண்டு குடும்பத்துடன் தற்கொலைக்கு முயன்றார். 

இதைக் கண்டு அதிர்ச்சி அடைந்த காவல்துறையினர் அவர்களை தடுத்து நிறுத்தி, விசாரணைக்காக காவல்நிலையத்திற்கு அழைத்துச் சென்றனர். மக்களவை தேர்தலில் போட்டியிடுவதற்காக, வேட்பாளர்கள் தங்களது வேட்புமனுக்களை தாக்கல் செய்ய வரும் வேளையில், இந்தத் தீக்குளிப்பு முயற்சி நடந்ததால் ஆட்சியர் அலுவலகத்தில‌ பரபரப்பு நிலவியது.

Advertisement:
Advertisement:
Advertisement:
[X] Close