[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

 “முகிலனை தொடர்ந்து தேடுகிறோம்” - சிபிசிஐடி

cbcid-submit-report-high-court-about-mukilan

சுற்றுச்சூழல் செயற்பாட்டாளர் முகிலன் மாயமான விவகாரத்தில் 9 பக்க விசாரணை அறிக்கையை சிபிசிஐடி உயர்நீதிமன்றத்தில் தாக்கல் செய்துள்ளது.

சமூக ஆர்வலர் முகிலன் கடந்த பிப்ரவரி மாதம் காணமல் போனார். அவரைக் கண்டுபிடித்து தர வேண்டும் என சென்னை
உயர்நீதிமன்றத்தில் ஆட்கொணர்வு மனுத் தாக்கல் செய்யப்பட்டது. முகிலனை மீட்கக்கோரி ஹென்றி திபேன் என்பவர் மனுவைத் தாக்கல் செய்தார். 

இதனிடையே முகிலனை விரைவாக கண்டுபிடிக்க வேண்டும் எனவும், அதற்கு தமிழக அரசை வலியுறுத்தும் விதமாகவும்  'முகிலனை தேடி' என்கிற முழக்கத்துடன் முகிலன் மனைவி பூங்கொடி தலைமையில் ஈரோடு மாவட்டம் சென்னிமலையிலிருந்து ஒரு குழுவும், தூத்துக்குடி துப்பாக்கிச்சூட்டில் பலியான குடும்பத்தினருக்கு நீதிக்கேட்டும் , முகிலனை தேடியும் மனித உரிமை ஆர்வலர் பாத்திமா தலைமையில் தூத்துக்குடியிலிருந்து ஒரு குழுவும் சென்னை நோக்கி பயணத்தை தொடங்கியுள்ளது. 

முகிலன் காணமல் போன வழக்கை சிபிசிஐடி விசாரித்து வருகிறது. இந்நிலையில் இன்று இந்த வழக்கு உயர்நீதிமன்றத்தில்
விசாரணைக்கு வந்தது. அப்போது, சுற்றுச்சூழல் செயற்பாட்டாளர் முகிலன் மாயமான விவகாரத்தில் 9 பக்க விசாரணை அறிக்கையை சிபிசிஐடி உயர்நீதிமன்றத்தில் தாக்கல் செய்தது. 

அதில், டிஎஸ்பி தலைமையில் 17 தனிப்படைகள் அமைத்து 251 சாட்சிகளிடம் விசாரணை நடைபெற்றிருப்பதாக தெரிவிக்கப்பட்டுள்ளது. ரயில் நிலையத்தில் சிசிடிவி காட்சிகள் சேகரித்திருப்பதாகவும் விசாரணை சரியான பாதையில் செல்வதாகவும் குறிப்பிடப்பட்டுள்ளது. மேலும்  இந்த வழக்கு ஏப்ரல் 8 ஆம் தேதிக்கு ஒத்திவைக்கப்பட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close