[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“பொள்ளாச்சி கொடூரத்தில் அனைவரும் தண்டிக்கப்பட வேண்டும்”- நீதிபதி ஜெயச்சந்திரன் 

state-human-rights-member-justice-jayachandran-says-everyone-should-be-punished-in-pollachi-horror

பொள்ளாச்சி பாலியல் கொடூரம் வழக்கில் தமிழக காவல்துறை உரிய நடவடிக்கை எடுக்காவிடில், மாநில மனித உரிமை ஆணையம் உரிய உத்தரவுகளை பிறப்பிக்கும் என்று ஆணைய உறுப்பினர் நீதிபதி ஜெயச்சந்திரன் தெரிவித்துள்ளார். 

பொள்ளாச்சியில் பாலியல் வழக்கில் சம்பந்தப்பட்ட திருநாவுக்கரசு உள்ளிட்ட 4 பேர் கோவை மத்திய சிறையில் நீதிமன்றக் காவலில் உள்ளனர். இந்த வழக்கில் அடுத்தடுத்து பல்வேறு திருப்பங்களுடன் பல வீடியோக்கள் வெளியாகியுள்ளது. இந்த நிலையில் இச்சம்பவத்தில் பொள்ளாச்சியில் உள்ள அரசியல் பிரமுகர்கள் சம்பந்தப்பட்டுள்ளதாகவும், இதனால் காவல்துறை முழுமையான விசாரணை செய்யவில்லை என்றும் புகார் எழுந்தது. இதன் காரணமாக இந்த வழக்கு சிபிசிஐடி போலீசார் வசம் ஒப்படைக்கப்பட்டது. மேலும் இச்சம்பவம் தொடர்பான வழக்கினை சிபிஐக்கு மாற்றி வெளியிட்ட அரசாணையில், விதிமுறைகளை மீறி பாதிக்கப்பட்டவர்களின் விவரங்களை வெளியிட்டதாக குற்றச்சாட்டும் எழுந்தது.

இந்நிலையில் இவ்விவகாரம் குறித்து மாநில மனித உரிமை ஆணையத்தின் உறுப்பினர் நீதிபதி ஜெயச்சந்திரன் பேசியபோது, பாதிக்கப்பட்ட பெண்ணின் பெயரை வெளியிட்ட கோவை மாவட்ட காவல் கண்காணிப்பாளர் மீது அரசு தகுந்த நடவடிக்கை எடுக்க வேண்டும் என்றார். பொள்ளாச்சி பாலியல் கொடூரத்தில் தொடர்புடைய அனைவரும் கடுமையாக தண்டிக்கப்பட வேண்டும் என்றும் இது தொடர்பாக பாதிக்கப்பட்டவர்கள் புகார் அளித்தால், நிச்சயம் விசாரிக்கப்படும் என்றும் தெரிவித்தார். மேலும் தமிழக காவல்துறை உரிய நடவடிக்கை எடுக்காவிடில், மாநில மனித உரிமை ஆணையம் தலையிட்டு உரிய உத்தரவுகளை பிறப்பிக்கும் என்றும் ஜெயச்சந்திரன் தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close