[X] Close
JUST IN
  • BREAKING-NEWS 2016 தேர்தலில் திருப்பரங்குன்றம் தொகுதியில் அதிமுகவின் ஏ.கே.போஸ் வெற்றி பெற்றது செல்லாது - உயர்நீதிமன்றம்
  • BREAKING-NEWS மக்களவை, சட்டமன்ற இடைத்தேர்தலில் அதிமுக வெற்றி பெற எனது தொண்டர்கள் பாடுபடுவர் - அதிமுகவுக்கு ஜெ.தீபா ஆதரவு
  • BREAKING-NEWS 7 பேர் விடுதலை செய்யப்பட நடவடிக்கை மேற்கொள்ளப்படும் - அமமுகவின் தேர்தல் அறிக்கை
  • BREAKING-NEWS சென்னையில் உள்ள வக்ஃபு வாரிய அலுவலகத்தில் சிபிஐ அதிகாரிகள் சோதனை நடத்திவருகின்றனர்; மதுரை வக்ஃபு வாரிய கல்லூரி ஆசிரியர்கள் நியமன முறைகேடு விவகாரம் தொடர்பாக சிபிஐ விசாரித்து வருகிறது
  • BREAKING-NEWS முன்னாள் கிரிக்கெட் வீரர் கவுதம் காம்பீர் இன்று பாரதிய ஜனதா கட்சியில் இணைந்தார்
  • BREAKING-NEWS திண்டுக்கல் நாடாளுமன்ற தொகுதியில் நாம் தமிழர் கட்சி சார்பில் நடிகர் மன்சூர் அலிகான் போட்டி; வேட்பு மனு தாக்கல் செய்தார்
  • BREAKING-NEWS மதுரை மக்களவை தொகுதி மார்க்சிஸ்ட் வேட்பாளர் சு.வெங்கடேசன் வேட்பு மனு தாக்கல் செய்தார்

பொள்ளாச்சி பாலியல் கொடூரம் : குற்றவாளிகள் வீடுகளில் சிபிசிஐடி தொடர் சோதனை 

cbcid-police-has-continue-search-in-criminals-house-in-pollachi-harassment

பொள்ளாச்சி பாலியல் கொடூர வழக்கில் கைது செய்யப்பட்டு சிறையில் உள்ள முக்கிய குற்றவாளிகள் 4 பேரின் வீடுகளில் சிபிசிஐடி அதிகாரிகள் தொடர் விசாரணை நடத்தி வருகின்றனர்.

பொள்ளாச்சியில் பாலியல் வழக்கில் சம்பந்தப்பட்ட திருநாவுக்கரசு உள்ளிட்ட 4 பேர் கோவை மத்திய சிறையில் நீதிமன்றக் காவலில் உள்ளனர். இந்த வழக்கில் அடுத்தடுத்து பல்வேறு திருப்பங்களுடன் பல வீடியோக்கள் வெளியாகியுள்ளது. இந்த நிலையில் இச்சம்பவத்தில் பொள்ளாச்சியில் உள்ள அரசியல் பிரமுகர்கள் சம்பந்தப்பட்டுள்ளதாகவும், இதனால் காவல்துறை முழுமையான விசாரணை செய்யவில்லை என்றும் புகார் எழுந்தது. இதன் காரணமாக இந்த வழக்கு சிபிசிஐடி போலீசார் வசம் ஒப்படைக்கப்பட்டது. மேலும், சிபிஐ விசாரணைக்கு தமிழக அரசு பரிந்துரை செய்துள்ளது. 

இதனையடுத்து கடந்த இரண்டு நாட்களாக திருநாவுக்கரசின் வீடு மற்றும் பண்ணை வீட்டில் சிபிசிஐடி போலீசார் ஆய்வு செய்தனர். தற்போது அவரது உறவினர்களிடம் விசாரணை செய்து வருகின்றனர். இதில் நேற்று மாலை 3 மணி முதல் இரவு 7.30 மணி வரை பொள்ளாச்சி மாக்கினாம்பட்டி கிராமத்தில் உள்ள திருநாவுக்கரசின் வீட்டில் சிபிசிஐடி போலீசார் சோதனையிட்டனர். அப்போது அவரது உறவினர்களிடம் விசாரணை மேற்கொள்ளபட்டது. பின்னர் அங்கிருந்து செல்போன் உள்ளிட்ட ஆவணங்கள் கைப்பற்றப்பட்டதாக தகவல்கள் வெளியாகியது. 

இந்நிலையில் இன்று இந்த வழக்கில் கைது செய்யப்பட்டுள்ள ரிஷ்வந்த் என்கிற சபரிராஜன் வீட்டிலும் சிபிசிஐடி போலீசார் ஆய்வு செய்து விசாரணை நடத்தி வருகின்றனர். இதனைதொடர்ந்து  கைது செய்யப்பட்டு சிறையில் உள்ள  சதீஷ், வசந்தகுமார் ஆகியோரது வீடுகளிலும் மற்றும் சின்னப்பன் பாளையத்தில் உள்ள திருநாவுக்கரசின் பண்ணை வீடு உள்ளிட்டவை ஆய்வுக்கு உட்படுத்தப்படும் என்றும் தகவல்கள் வெளியாகியுள்ளது. பொள்ளாச்சி பகுதியில் சிபிசிஐடி போலீசார் ஆய்வு மேற்கொண்டு வருவதால் இங்கு பொதுமக்கள் பரபரப்பாக காணப்படுகின்றனர். மேலும் இந்த வழக்கில் கைது செய்யப்பட்டுள் நால்வரையும் சிபிசிஐடி போலீசார் அவர்களது காவலில் விசாரணை நடத்தவும் திட்டமிட்டுள்ளனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close