[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

கச்சத்தீவு திருவிழா இன்று தொடக்கம் 

katchatheevu-festival-begins-today

கச்சத்தீவில் புனித அந்தோணியார் ஆலய திருவிழா கொடியேற்றத்துடன் இன்று தொடங்க உள்ள நிலையில் பாதுகாப்பு ஏற்பாடுகள் தீவிரப்படுத்தப்பட்டுள்ளது.

கச்சத்தீவில் இன்று தொடங்கி இரு நாள்கள் நடைபெறும் புனித அந்தோணியார் தேவாலய திருவிழாவில், இரு நாடுகளின் உறவுகளை மேம்படுத்தும் விதமாக ஜாதி, மத, மொழி வேறுபாடு இன்றி மத நல்லிணக்க விழாவாக கொண்டாடப்படுகிறது. இந்தியா, இலங்கை நாடுகளைச் சேர்ந்த பங்குதந்தைளால் கொடியேற்றத்துடன் துவங்கும் இந்த விழாவில் சிறப்பு திருபலி நடத்தப்படும். பின்னர் இன்று இரவு சிலுவைப்பாடு நிகழ்ச்சியும், திருப்பலியும் நடைபெறவுள்ளது. 

இதனைத்தொடர்ந்து நாளை காலை திருவிழாவின் சிறப்பு திருப்பலி தமிழ் மொழியிலும்,சிங்கள மொழியிலும் நடைபெறவுள்ளது. கச்சத்தீவில் இன்று துவங்கவுள்ள புனித அந்தோணியார் தேவலாய திருவிழாக்காக இருநாட்டு கடற்படையினரின் உதவியோடு அனைத்து அடிப்படை வசதிகளையும் செய்துள்ளதாக விழா ஏற்பாட்டாளர்கள் தெரிவித்துள்ளனர். 

மேலும் இத்தாண்டு தமிழகத்திலிருந்து 2530 பக்தர்கள் பங்கேற்க அனுமதி அளிக்கப்பட்டுள்ளார்கள். இதற்காக இன்று அதிகாலை 5மணி முதல் தமிழகத்திலிருந்து 65 விசைப்படகுகள் மற்றும் 15 நாட்டுப்படகுகளில் பத்தர்கள் புறப்பட்டு சென்றனர். அவர்களுக்கான பாதுகாப்பு ஏற்பாடுகள் அனைத்தும் மாவட்ட கண்காணிப்பாளர் ஓம் பிரகாஷ் மீனா தலைமையில் நடைபெறுகிறது.

Advertisement:
Advertisement:
Advertisement:
[X] Close