[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

பொள்ளாச்சி பாலியல் கொடூரம் : டிஜிபிக்கு மகளிர் ஆணையம் நோட்டீஸ்

women-association-notices-to-tamilnadu-dgp-about-pollatchi-issue

பொள்ளாச்சி பாலியல் வன்கொடுமை கொடூரம் தொடர்பாக விளக்கம் கேட்டு தமிழக டிஜிபிக்கு தேசிய மகளிர் ஆணையம் நோட்டீஸ் அனுப்பியுள்ளது.

பொள்ளாச்சி பாலியல் வன்கொடுமை வழக்கில் 4 பேர் குண்டர் சட்டத்தின் கீழ் கைதாகியுள்ளனர். அவர்களுக்கு கடுமையான தண்டனை வழங்க வேண்டும் என பல்வேறு தரப்பினரும் கோரிக்கை விடுத்து வருகின்றனர். மேலும் அரசியல் கட்சிகள் போராட்டங்களை அறிவித்து வருகின்றன. தமிழகமெங்கும் கல்லூரி மாணவ மாணவிகள் போராட்டத்தில் ஈடுபட்டு வருகின்றனர்.

இதைத்தொடர்ந்து இந்த வழக்கு சிபிசிஐடிக்கு மாற்றப்பட்டுள்ளது. இது தொடர்பாக சிபிசிஐடி போலீசார் இன்று விசாரணையை தொடங்கியுள்ளனர். ஐ.ஜி. ஸ்ரீதர் தலைமையிலான போலீசார் விசாரணை நடத்தி வருகின்றனர்.

இந்நிலையில் பொள்ளாச்சி விவகாரத்தில் குற்றவாளிகளுக்கு எதிராக உரிய சட்ட நடவடிக்கை தேவை என தமிழக டிஜிபிக்கு மகளிர் ஆணையம் நோட்டீஸ் அனுப்பியுள்ளது. அதில், ‘இந்த வழக்கு தொடர்பாக பல்வேறு வீடியோக்கள் மற்றும் தகவல் பரவி கொண்டிருக்கிறது. இந்த வழக்கு தொடர்பாக என்ன விசாரணை நடத்தப்பட்டிருக்கிறது. எந்த பிரிவுகளின் கீழ் வழக்கு பதிவு செய்யப்பட்டுள்ளது. வழக்கு விசாரணையை யார் நடத்துகின்றனர். வழக்கின் நிலைமை என்ன என்பது குறித்து விரிவான அறிக்கையை தாக்கல் செய்ய வேண்டும்’ என குறிப்பிடப்பட்டுள்ளது. 

குற்றவாளிகளுக்கு எதிராக குரல்கள் வலுத்து வரும் நிலையில், தற்போது மகளிர் ஆணையத்தின் நோட்டீஸ் முக்கியத்துவம் வாய்ந்ததாக பார்க்கப்படுகிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close