[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

“மீண்டும் சொல்கிறேன்; பிரதமர் வேட்பாளர் ராகுல்தான்” - ஸ்டாலின் திட்டவட்டம்

once-again-stalin-proposes-rahul-gandhi-s-name-as-pm-candidate

தமிழகத்தை பொறுத்தவரை தங்கள் பிரதமர் வேட்பாளர் ராகுல் காந்திதான் என திமுக தலைவர் ஸ்டாலின் மீண்டும் திட்டவட்டமாக தெரிவித்துள்ளார்.

மறைந்த முன்னாள் முதலமைச்சர் கருணாநிதியின் திருவுருவச் சிலையை திமுக தலைமை அலுவலகமான அண்ணா அறிவாலயத்தில் சோனியா காந்தி கடந்த டிசம்பர் மாதம் திறந்து வைத்தார். அந்த நிகழ்ச்சியின் பொதுக்கூட்டத்தில் பேசிய திமுக தலைவர் மு.க.ஸ்டாலின், காங்கிரஸ் தலைவர் ராகுல்காந்தியை பிரதமர் வேட்பாளராக முன்மொழிவதாக தெரிவித்தார். 

மேலும், “ராகுல் காந்தியே வருக, நல்லாட்சி தருக” எனவும் கூறினார். இந்தக் கருத்து தேசிய அரசியல் தளத்தில் பலதரப்பட்ட விவாதங்களுக்கு வழிவகுத்தது. விவாதங்களுக்கு பதிலளித்த ஸ்டாலின் ‘ராகுலை ஸ்டாலின் முன்மொழிந்தது தவறு’ என்று யாரும் சொல்லவில்லை என தெரிவித்தார்.

இந்நிலையில், தமிழகத்தை பொறுத்தவரை தங்கள் பிரதமர் வேட்பாளர் ராகுல் காந்திதான் என ஸ்டாலின் மீண்டும் திட்டவட்டமாக தெரிவித்துள்ளார். கிருஷ்ணகிரியில் ரஜினி மக்கள் மன்றத்தினர் திமுகவில் இணையும் விழா நடைபெற்றது. இந்த விழாவில் பேசிய ஸ்டாலின் இவ்வாறு தெரிவித்தார். மேலும் பேசிய அவர், குட்டிக்கரணம் அடித்தாலும் தமிழகத்தில் பாஜக காலூன்ற முடியாது. ரஜினி மக்கள் மன்றத்தில் இருந்து விலகியவர்கள் திமுகவில் இணையும் நிகழ்வு முக்கியமான தருணம் என்று தெரிவித்தார்.

திமுக தலைமையிலான மக்களவைத் தேர்தல் கூட்டணியில் புதுச்சேரியில் ஒரு தொகுதியும், தமிழகத்தில் 9 தொகுதிகளும் என காங்கிரஸுக்கு 10 தொகுதிகள் ஒதுக்கீடு செய்யப்பட்டுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close