[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

குழந்தைக்கு எச்ஐவி ரத்தம் ஏற்றப்படவில்லை - அமைச்சர் விஜயபாஸ்கர் விளக்கம்

health-minister-vijayabaskar-says-there-was-no-truth-in-the-allegation-that-hiv-blood-issue

கோவை அரசு மருத்துவமனையில் 2 வயது பெண் குழந்தைக்கு எச்.ஐ.வி தொற்று‌ள்ள ரத்தம் ஏற்றப்பட்டதாக வந்த குற்றச்சாட்டில் உண்மை இல்லை என சுகாதாரத் துறை அமைச்சர் விஜயபாஸ்கர் தெரிவித்துள்ளார். 

Image result for hiv blood

கோவை அரசு மருத்துவக் கல்லூரி மருத்துவமனையில் ரூ.6.5 கோடி மதிப்பில் நரம்பியல் அறுவை சிகிச்சை பிரிவில் அகநாள ஆய்வுகூடம் திறப்பு விழா நடைபெற்றது. அதனை அமைச்சர் எஸ் பி வேலுமணி மற்றும் சுகாதாரத்துறை அமைச்சர் விஜயபாஸ்கர் ஆகியோர் திறந்து வைத்தனர். மேலும் ரூ.1 கோடி மதிப்பில் மாவட்ட தொடக்கநிலை இடையீட்டு சேவை மையத்தையும் அவர்கள் துவக்கி வைத்தனர். 

இதனையடுத்து செய்தியாளர்களிடம் பேசிய சுகாதாரத்துறை அமைச்சர் விஜயபாஸ்கர், “மூன்று ஆண்டுகளில் கோவை அரசு மருத்துவமனை மிகப்பெரிய வளர்ச்சியை அடைந்து உள்ளது. பல்வேறு புதிய கட்டிடங்கள், அதிநவீன உபகரணங்கள் கொண்டுவரப்பட உள்ளது. சர்வதேச தரம் வாய்ந்த தனியார் மருத்துவமனையை மிஞ்சும் வகையிலான அதிநவீன சிகிச்சை பிரிவு இன்று துவங்கப்பட்டு உள்ளது” என்று கூறினார்.

Image result for Health Minister Vijayabaskar

இதனைத்தொடர்ந்து கோவை அரசு மருத்துவமனையில் இரண்டு வயது குழந்தைக்கு எச்ஐவி ரத்தம் ஏற்றப்பட்டது தொடர்பான புகார் குறித்த கேள்விக்கு பதிலளித்த அமைச்சர், அந்த குற்றச்சாட்டில் உண்மை இல்லை என கூறினார். குழந்தைக்கு ரத்தம் கொடுத்த நபரின் ரத்தம் மீண்டும் சோதனை செய்யப்பட்டதாகவும், அவருக்கு எச்ஐவி பாதிப்பு இல்லை எனவும் எனவே அரசு மருத்துவமனையில் ஏற்றப்பட்ட ரத்தத்தில் எச்ஐவி பாதிப்பு இல்லை என அவர் கூறினார். 

மேலும் குழந்தைக்கு அனைத்து வகையான உயர்தர சிகிச்சை அளிப்பதற்கு தேவையான அனைத்து வசதிகளும் செய்யப்படும் என கூறிய அவர், பெற்றோர்கள் எங்கு விரும்புகிறார்களோ அங்கேயே குழந்தைக்கு சிகிச்சை அளிப்பதற்கு அரசு அனைத்து நடவடிக்கைகளும் எடுக்கும் என்றார். மேலும் பெற்றோர்கள் ஒத்துழைப்பு அளித்தால் எச்ஐ வி ரத்தம் எவ்வாறு செலுத்தப்பட்டது என்பது குறித்து விசாரணை நடத்தப்படும் எனவும் கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close