[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

பட்டாசு ஆலை விபத்து - முதல்வர் ஒரு லட்சம் நிதியுதவி

chief-minister-edappadi-palanisamy-announced-one-lakh-for-fire-worker-accident-death

பட்டாசு ஆலை வெடிவிபத்தில் உயிரிழந்தவர்களுக்கு ஒரு லட்சம் நிதியுதவி வழங்க முதலமைச்சர் எடப்பாடி பழனிசாமி உத்தரவிட்டுள்ளார்.

நெல்லை மாவட்டம் வரகனூரில் பட்டாசு ஆலை ஒன்று இயங்கி வருகிறது. அங்கு இன்று காலை திடீரென வெடிவிபத்து ஏற்பட்டது. இதில் 4 பெண் தொழிலாளர்கள் உட்பட 5 பேர் உடல் கருகி உயிரிழந்தனர். மேலும் பலர் பட்டாசு ஆலையில் சிக்கி இருப்பதாக தகவல்கள் தெரிவிக்கின்றன. 

தகவலறிந்து வந்த தீயணைப்புத்துறையினர் வெடிவிபத்தில் சிக்கியவர்களை மீட்டு வருகின்றனர். காயமடைந்த 3 பெண்கள் உட்பட 5 பேர் மீட்கப்பட்டு மருத்துவமனையில் சிகிச்சைக்காக அனுமதிக்கப்பட்டுள்ளனர். மேலும் கட்டட இடிபாடுகளில் சிக்கி சிலர் உயிரிழந்திருக்கலாம் என்றும் அஞ்சப்படுகிறது. 

வெடிவிபத்து குறித்து விசாரணை நடைபெற்று வருவதாகவும் பட்டாசு ஆலையின் உரிமையாளர் மீது கடும் நடவடிக்கை எடுக்கப்படும் எனவும் நெல்லை ஆட்சியர் தெரிவித்துள்ளார். மேலும் பட்டாசு ஆலைக்கு தற்காலிகமாக சீல் வைக்கப்பட்டுள்ளது எனவும் ஆட்சியர் தெரிவித்தார்.

இந்நிலையில் பட்டாசு ஆலை வெடிவிபத்தில் உயிரிழந்த தொழிலாளர்களின் குடும்பத்திற்கு தலா ஒரு லட்சம் நிதியுதவி வழங்க முதலமைச்சர் எடப்பாடி பழனிசாமி உத்தரவிட்டுள்ளார். வெடிவிபத்தில் பலத்த காயமடைந்தவர்களுக்கு ரூ. 50 ஆயிரம், லேசான காயமடைந்தவர்களுக்கு ரூ.25 ஆயிரம் நிதியுதவி வழங்க உத்தரவிட்டுள்ளார்.

மேலும் தீ விபத்தில் சிக்கியவர்களை பத்திரமாக மீட்கவும், உடனடியாக சிகிச்சை அளிக்கவும் உத்தரவிட்டுள்ளார். அனைவரும் விரைவில் பூரண குணமடைந்து வீடு திரும்ப வேண்டும் எனவும் முதலமைச்சர் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close