[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

“தொகுதி பங்கீடு குறித்து இனிதான் பேசுவோம்” - வைகோ

admk-bjp-alliance-will-loss-in-all-seats-dmk-lead-alliance-will-win-40-constituency

காங்கிரஸ், மதிமுக, விசிக, சிபிஎம், சிபிஐ உள்ளிட்ட கட்சிகள் எல்லாம் திமுக அணியில்தான் உள்ளதாகவும், தொகுதி பங்கீடு குறித்து இனிமேல்தான் பேசுவோம் எனவும் மதிமுக பொதுச்செயலாளர் வைகோ தெரிவித்துள்ளார்.

அதிமுக-பாஜக-பாமக இன்று தங்கள் மக்களவைத் தேர்தல் கூட்டணியை உறுதி செய்துள்ளனர். பாமகவிற்கு 7 தொகுதிகளும், பாஜகவிற்கு 5 தொகுதிகளும் ஒதுக்கீடு செய்யப்பட்டுள்ளன. இதுதொடர்பாக நெல்லையில் புதிய தலைமுறைக்கு பேட்டியளித்த வைகோ, “அதிமுக, பாஜகவிற்கு தமிழ்நாட்டில் இடமே கிடைக்காது என்ற பயம் இருக்கிறது. கர்நாடகத்தில் சில தொகுதிகள் தவிர்த்து தென்னிந்தியாவில் பாஜகவுக்கு வெற்றி வாய்ப்பு இல்லை. 

இந்தப் பயத்தின் காரணமாகதான் சில கட்சிகளுடன் கூட்டணி வைத்துள்ளார்கள். இந்தக் கூட்டணியில் ஒரு தொகுதிக்கு ஐம்பது கோடி செலவழிக்க திட்டமிட்டுள்ளார்கள். பிரதமரிடமும் கோடிக்கணக்கில் பணம் உள்ளது. ஆளுங்கட்சியினர் போலீஸ் மற்றும் ஆம்புலன்ஸ் மூலமா பணம் கொண்டு செல்வார்கள். ஆனால் எதிர்க்கட்சியினர் ஐம்பதாயிரம் பணம் கொண்டு போனாலும் அதை பிடிப்பார்கள். 
இதையெல்லாம் தூக்கி தகர்த்தெறிந்து திமுக கூட்டணி 40 தொகுதியிலும் வெற்றி பெறும்” என்றார். 

தொடர்ந்து பேசிய அவர், “மார்ச் 1ஆம் தேதி கன்னியாகுமரி வரும் பிரதமருக்கு கருப்புக்கொடி காட்டுவேன். பாமக-அதிமுக கூட்டணியில் என்பதால் அல்ல, ஏற்கனவே விடுதலைச் சிறுத்தைகள் கட்சி, நாங்கள் எல்லாம் ஒரே கூட்டணியில்தான் இருக்கிறோம். விசிக, சிபிஎம், சிபிஐஎம், மனிதநேய மக்கள் கட்சி, இந்திய யூனியன் முஸ்லீம் லீக், மதிமுக, காங்கிரஸ் எல்லாம் திமுக அணியில்தான் இருக்கிறோம்.  தொகுதி பங்கீடு குறித்து இனிதான் பேச்சு ஆரம்பிப்போம்” என்று தெரிவித்தார். 

Advertisement:
இது தொடர்பான செய்திகள் :
Related Tags : ADMKBJPDMKVaikoவைகோஅதிமுகபாஜகதிமுக
Advertisement:
Advertisement:
[X] Close