[X] Close
JUST IN
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS ப.சிதம்பரத்தை அவதிக்குள்ளாக்க வேண்டும் என்பதே அமலாக்கத்துறையின் எண்ணம் - கபில் சிபல்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்
  • BREAKING-NEWS அடுத்த 5 நாட்களுக்கு கனமழை நீடிக்கும் - இந்திய வானிலை ஆய்வு மையம்

தருமபுரி அருகே துப்பாக்கியால் சுட்டு கொள்ளை..!

robbery-near-dharmapuri

தருமபுரி மாவட்டம் சிக்கலூர் கிராமத்தில் துப்பாக்கியால் சுட்டு கொள்ளையடித்த இருவரை காவல்துறையினர் கைது செய்தனர்.

நரிப்பள்ளி கிராமத்தில் இயங்கும் டாஸ்மாக் கடை விற்பனையாளர் மகரஜோதி, வழக்கம்போல் இரவில் கடையை மூடிவிட்டு விற்பனை பணம் ஒரு லட்சத்து 30 ஆயிரத்தை எடுத்துச் சென்று கொண்டிருந்தார். இதை நோட்டமிட்ட கொள்ளையர்கள் இருவர், முகமூடி அணிந்தவாறு அவரை பின் தொடர்ந்து சென்று சிக்கலூர் பகுதியில் நாட்டுத் துப்பாக்கியால் சுட்டனர். டாஸ்மாக் ஊழியர் மகரஜோதி நிற்காமல் சென்றதால் அவரை துரத்திச் சென்று கம்பியால் கடுமையாக தாக்கினர். இதில் அவர் நிலை குலைந்து விழுந்ததால் அவரிடம் இருந்த பணத்தை எடுத்துக்கொண்டு தப்பிச் சென்றனர். மகரஜோதியின் அலறல் சத்தம் கேட்டு அங்கு வந்த அக்கம்பக்கத்தினர் அவரை மீட்டு மருத்துவமனைக்கு அனுப்பி வைத்தனர்.

இதையடுத்து மாவட்ட காவல் கண்காணிப்பளரின் உத்தரவின் பேரில் தனிப்படை போலீசார் நரிப்பள்ளி வனப்பகுதியில் தீவிர தேடுதல் வேட்டையில் ஈடுபட்டனர். அப்போது பதிவெண் இல்லாமல் வாகனம் ஓட்டிய இருவரை துரத்திப் பிடித்து விசாரணை செய்ததில் அவர்கள் கொள்ளையர்கள் என்பது தெரியவந்தது. இருவரையும் கைது செய்த காவல்துறையினர், அவர்களிடம் இருந்த பணம் மற்றும் துப்பாக்கியை பறிமுதல் செய்தனர்.

கடந்த மாதம் ஊத்தங்கரை அருகே டாஸ்மாக் ஊழியர் துப்பாக்கியால் சுடப்பட்டு கொள்ளையடிக்கப்பட்ட சம்பவத்திற்கும் இவர்களுக்கும் தொடர்பு இருக்கிறதா என்ற கோணத்தில் விசாரணை நடத்தி வருகின்றனர். கைகளில் குண்டு பாய்ந்த நிலையில் காயமடைந்த டாஸ்மாக் ஊழியருக்கு சேலம் அரசு மருத்துவமனையில் சிகிச்சை அளிக்கப்பட்டு வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close