[X] Close
JUST IN
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்
  • BREAKING-NEWS சென்னையில் ஒரு லிட்டர் டீசல் விலை 8 காசுகள் உயர்ந்து ரூ.70.45க்கு விற்பனையாகிறது
  • BREAKING-NEWS சென்னையில் ஒரு லிட்டர் பெட்ரோல் விலை 14 காசுகள் உயர்ந்து ரூ.74.39க்கு விற்பனையாகிறது

மீனவர் வலையில் சிக்கிய நடராஜர், பிள்ளையார் சிலைகள் !

the-2-statues-are-found-on-the-cauvery-river-at-trichy

திருச்சி முக்கொம்பு காவிரி ஆற்று மணலில் உலோகத்திலான நடராஜர் மற்றும் பிள்ளையார் சிலைகள் கண்டெடுக்கப்பட்டுள்ளது.

மேட்டூர் அணையிலிருந்து நீரின் வரத்து குறைந்துள்ளதால், திருச்சி முக்கொம்பு மேலணையான காவிரி ஆற்றில் மீனவர்கள் வலைவீசி மீன் பிடித்துக் கொண்டிருந்தனர். அப்போது, மணலில் புதைந்த நிலையில் உலோகத்தினாலான நடராஜர் மற்றும் விநாயகர் சிலைகள் மீனவர் வலையில் சிக்கியது. வலையில் சிக்கிய சிலைகளை அப்பகுதி மீனவர்கள் எடுத்து அருகில் வைத்தனர். பின்னர் வலையில் சிலைகள் சிக்கியது குறித்து மணச்சநல்லூர் வருவாய் வட்டாட்சியர் ராஜேஷ்கண்ணாவுக்கு தகவல் கொடுத்தனர்.

தகவலின்பேரில் வட்டாட்சியர், கிராம நிர்வாக அலுவலர் முத்து கிருஷ்ணன் சம்பவ இடத்திற்கு வந்து சிலைகளை கைப்பற்றினர். பின்னர் சிலைகள் வட்டாட்சியர் அலுவலகத்திற்கு கொண்டு செல்லப்பட்டன. சிலைகளை பார்த்த மீனவர் மருதமுத்து செய்தியாளரிடம் கூறுகையில், “மீன் பிடித்தபோது இந்த இரண்டு சிலைகளும் வலையில் சிக்கியது. இந்த சிலைகள் குறிப்பு வருவாய்த் துறையினரிடம் தகவல் தெரிவித்ததின் பேரில் சிலைகளை கைப்பற்றிச் சென்றனர். இந்த சிலைகள் வேறு எங்கேயாவது திருடி காவல்துறைக்கு பயந்து ஆற்றில் வீசி சென்றனரா எனத் தெரியவில்லை” எனக் கூறினார்.

Advertisement:
Advertisement:
Advertisement:
[X] Close