[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

சின்னதம்பியால் ஏற்பட்ட சேதத்துக்கு இழப்பீடு வழங்கப்படும் - ஆனைமலை புலிகள் காப்பக கள இயக்குனர்

compensation-will-be-paid-to-farmers-on-chinnathambi-issue

காட்டுயானை சின்னதம்பியால் ஏற்பட்ட பயிர்கள் சேதத்துக்கு உரிய இழப்பீடு, நிவாரணம் வழங்கப்படும் என ஆனைமலை புலிகள் காப்பக கள இயக்குனர் கணேசன் தெரிவித்துள்ளார்.

திருப்பூர் மாவட்டம் உடுமலை அருகே உள்ள கண்ணாடி புத்தூரில் முகாமிட்டிருந்த சின்னதம்பியை பிடிக்க வனத்துறைக்கு அனுமதி வழங்கி உயர் நீதிமன்றம் இடைக்கால உத்தரவு பிறப்பித்தது. ஆனால் சின்னதம்பியை பிடிக்கும்போது காயப்படுத்தவோ அல்லது துன்புறுத்தவோ கூடாது எனவும் அறிவுறுத்தியது. இதனையடுத்து சின்னதம்பியை பிடிக்க வனத்துறையினர் முனைப்பு காட்டினர். 

அதன்படி திருப்பூர் மாவட்டம் கண்ணாடிப்புதூரில் முகாமிட்டிருந்த சின்னதம்பி யானையை இன்று வனத்துறையினர் மயக்க ஊசி செலுத்தி பிடித்தனர். மேலும் சுயம்பு மற்றும் கலீம் கும்கி யானைகள் உதவியுடன் யானையை லாரியில் ஏற்றி முகாமுக்கு அழைத்துச்செல்லும் பணியில் வனத்துறையினர் ஈடுபட்டுள்ளனர்.

சின்னதம்பி யானை பிடிக்கப்பட்டது குறித்து பேசிய ஆனைமலை புலிகள் காப்பக கள இயக்குனர் கணேசன்,  சின்னதம்பி யானையை கும்கியாக மாற்றும் எண்ணமில்லை என்று தெரிவித்தார். மேலும் தெரிவித்த அவர், காலை 4 மணி முதல் காட்டு யானை சின்னதம்பியை  மயக்க ஊசி பிடிக்க நடவடிக்கை எடுத்தோம். காலை 9.30 மணி அளவில் மயக்க ஊசியானது செலுத்தபட்டது. 4 வது முறையாக போடப்பட்ட ஊசி சின்னதம்பி யானை மீது பதிந்தது.

8 மி.லி மயக்க மருந்து சின்னதம்பி யானைக்கு கொடுக்கப்பட்டுள்ளது. தற்போது சின்னதம்பி யானையை முகாமிற்கு கொண்டு செல்ல நடவடிக்கை எடுத்து வருகிறோம். வரகலியார் பகுதியில் கூண்டு தயார் நிலையில் வைக்கப்பட்டுள்ளது. கட்டளைகளை புரிந்து கொண்டு செயல்படவே சின்னதம்பிக்கு பயிற்சி அளிக்கப்பட இருக்கின்றது. 60 க்கும் மேற்பட்ட கட்டளைகள் சின்னதம்பி யானைக்கு பயிற்சி அளிக்கப்பட இருக்கின்றன. சின்னதம்பியால் ஏற்பட்ட பயிர்கள் சேதத்துக்கு உரிய இழப்பீடு, நிவாரணம் வழங்கப்படும் என்று தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close