[X] Close
JUST IN
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

ஜெயலலிதா பிறந்த நாளுக்கு பேனர் - கோரிக்கையை நிராகரித்த நீதிமன்றம் 

high-court-dismissed-the-report-about-jayalalitha-flex

ஜெயலலிதாவின் பிறந்த நாளை ஒட்டி பேனர்கள் வைக்க அனுமதி கோரி அதிமுக முன்னாள் எம்.பி பாலகங்கா தாக்கல் செய்த மனுவை சென்னை உயர் நீதிமன்றம் தள்ளுபடி செய்தது. 

மறைந்த முதல்வர் ஜெயலலிதாவின் 70-வது பிறந்தநாள் வரும் பிப்ரவரி 24-ம் தேதி வருகிறது. ஜெயலலிதாவின் பிறந்த நாளை அதிமுக சார்பில் கோலாகலமாகக் கொண்டாட முடிவு செய்துள்ளனர். இதற்காக சென்னையில் பேனர்கள் வைக்க அனுமதி கோரி அதிமுகவின் சார்பில் அதிமுக வட சென்னை தெற்கு மாவட்டச் செயலாளர் பாலகங்கா முறையீட்டு மனு ஒன்றைத் தாக்கல் செய்திருந்தார்.

இதனிடையே சமூக ஆர்வலர் டிராபிக் ராமசாமி தொடர்ந்த வழக்கை விசாரித்த நீதிமன்றம், பாதசாரிகள் மற்றும் வாகன ஓட்டிகளுக்கு இடையூறாக அரசியல் கட்சியினர் பேனர் வைப்பதற்கு தடைவிதித்தனர்.

இந்த வழக்கு இன்று மீண்டும் நீதிபதிகள் எம்.சத்யநாராயணன் மற்றும் எம்.நிர்மல்குமார் அமர்வு முன்பு விசாரணைக்கு வந்தபோது, பாலகங்கா தாக்கல் செய்த மனுவையும் விசாரித்தனர். 

அப்போது பாலகங்கா கோரிக்கை மனுவை நிராகரித்த நீதிபதிகள், அதிமுக பேனர்கள் எந்தெந்த இடங்களில் இருக்கிறது எனப் பட்டியல் தரட்டுமா எனக் கேள்வி எழுப்பினர். அதிமுக வைக்கும் பேனர்களுக்கு எதிராக அரசு எந்த நடவடிக்கையும் எடுப்பதில்லை என்றும் நீதிமன்ற உத்தரவின் மாண்பு காக்கப்பட வேண்டும் எனத் தெரிவித்தனர்.

பாலகங்காவின் மனு குறித்து தமிழக அரசு மற்றும் பிற அரசியல் கட்சிகள் பதிலளிக்க உத்தரவிட்டு வழக்கு விசாரணையை மார்ச் 13ஆம் தேதிக்கு ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close