[X] Close
JUST IN
  • BREAKING-NEWS திண்டிவனம் அருகே நிகழ்ந்த சாலை விபத்தில் விழுப்புரம் அதிமுக எம்.பி. ராஜேந்திரன் (வயது 62) உயிரிழப்பு
  • BREAKING-NEWS சென்னையில் பெட்ரோல் லிட்டருக்கு ரூ. 74.08 காசுகளாகவும், டீசல் லிட்டருக்கு ரூ. 70.32 காசுகளாகவும் விலை நிர்ணயம்
  • BREAKING-NEWS ஜெயலலிதாவின் படத்தை சட்டமன்றத்தில் வைக்க எதிர்ப்பு தெரிவித்தவர் விஜயகாந்த் என்பதால் அவருடன் கூட்டணி வைத்தால் தொண்டர்கள் ஏற்கமாட்டார்கள் - டிடிவி தினகரன்
  • BREAKING-NEWS தேமுதிகவோடு தொடர்ந்து பேச்சுவார்த்தையில் ஈடுபட்டு வருகிறோம்; ஓரிரு நாட்களில் கூட்டணி அமையும் - மதுரை விமானநிலையத்தில் துணைமுதல்வர் ஓ.பன்னீர்செல்வம் பேட்டி
  • BREAKING-NEWS மதுரையில் பாஜக, அதிமுக நிர்வாகிகளை சந்திக்கவில்லை - த.மா.கா தலைவர் வாசன் புதிய தலைமுறைக்கு பேட்டி
  • BREAKING-NEWS வரும் நாடாளுமன்ற தேர்தலிலும் பாஜக வெற்றி பெறும் - ராமநாதபுரம் பாஜக பொதுக்கூட்டத்தில் அமித் ஷா பேச்சு
  • BREAKING-NEWS நாடாளுமன்ற தேர்தலில் தேமுதிக சார்பில் போட்டியிட பிப்.24 முதல் விருப்பமனு விநியோகம்

மாணவி ஷோபியா வழக்கில் தமிழிசைக்கு நோட்டீஸ் அனுப்ப உத்தரவு 

sofia-filed-a-complaint-against-the-bjp-leader-tamilisai-soundararajan

தூத்துக்குடி மாணவி ஷோபியா தன் மீதான வழக்கை ரத்து செய்யக்கோரி தொடர்ந்த வழக்கில் பாஜக மாநிலத் தலைவர் தமிழிசைக்கு நோட்டீஸ் அனுப்ப உயர்நீதிமன்றம் உத்தரவிட்டுள்ளது.

தூத்துக்குடி கந்தன் காலனியைச் சேர்ந்த லூயிஸ் சோபியா உயர்நீதிமன்ற மதுரைக் கிளையில் மனுத் தாக்கல் செய்திருந்தார். அந்த மனுவில், "கனடாவிலுள்ள மாண்ட்ரீல் பல்கலையில் படித்து வரும் நிலையில், சென்னையில் இருந்து தூத்துக்குடி சென்ற விமானத்தில் கடந்த செப்டம்பர் 3ல் பயணித்தேன். என்னுடன் அதே விமானத்தில் தமிழக பாஜக தலைவர் தமிழிசை சௌந்தரராஜனும் வந்தார். 

Related image

ஸ்டெர்லைட் ஆலைக்கு எதிரான போராட்டத்தில் பலர் இறந்தது எனக்கு வருத்தமாக இருந்தது. இதனால், விமானத்தில் இருந்து இறங்கும் நேரத்தில் மத்திய அரசை விமர்சித்து கருத்தை தெரிவித்தேன். இதனால், ஆத்திரமடைந்த தமிழிசை சௌந்தரராஜன் விமான நிலையத்தில் என்னை மிரட்டும் நோக்கில் தகாத வார்த்தைகளால் திட்டினார். அவரது ஆதரவாளர்களும் கடுமையாக நடந்து கொண்டனர். 

இது தொடர்பாக தமிழிசை சௌந்தரராஜன் அளித்த புகாரின் பேரில் தூத்துக்குடி புதுக்கோட்டை காவல்துறையினர் என் மீது பல்வேறு பிரிவுகளில் வழக்குப் பதிவு செய்துள்ளனர். நான் எந்தத் தவறும் செய்யவில்லை. எனவே, என் மீதான வழக்கில் காவல்துறையினர் மேல் நடவடிக்கை எடுக்க தடை விதிக்க வேண்டும். மேலும் அந்த வழக்கை ரத்து செய்து உத்தரவு பிறப்பிக்க வேண்டும்" எனக் குறிப்பிட்டிருந்தார். 

Related image

இந்நிலையில் இன்று வழக்கை விசாரித்த நீதிபதி சேஷாயி, சோபியா மீதான வழக்கை விசாரிக்க விதிக்கப்பட்ட தடையை மேலும் 4 வாரங்களுக்கு நீட்டித்துள்ளார். மேலும் இந்த வழக்கு தொடர்பாக பாஜகவின் மாநிலத் தலைவர் தமிழிசை சௌந்தரராஜனுக்கு நோட்டீஸ் அனுப்ப உத்தரவிட்டும் வழக்கை ஒத்திவைத்தனர். இதனிடையே சோபியா மீதான வழக்கை விசாரிக்க ஏற்கனவே உயர்நீதிமன்ற மதுரைக்கிளை தடை விதித்திருந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close