[X] Close
JUST IN
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா
  • BREAKING-NEWS பேரறிவாளன் உள்ளிட்ட 7 பேரை உடனே விடுதலை செய்ய ஆளுநரை சந்தித்து முதல்வர் வலியுறுத்த வேண்டும்- திமுக தலைவர் மு.க.ஸ்டாலின்
  • BREAKING-NEWS தேமுதிகவுடனான கூட்டணி பேச்சுவார்த்தையில் இழுபறி நீடிக்கும் நிலையில் முதல்வர் பழனிசாமியுடன் அமைச்சர்கள் தங்கமணி, வேலுமணி முக்கிய ஆலோசனை
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி

சின்னதம்பியை விரட்ட வந்தது கும்கி யானை சுயம்பு !

new-kumki-elephant-brought-to-send-chinnathambi

திருப்பூர் மாவட்டம் உடுமலை அருகே கரும்புத்தோட்டத்தில் தஞ்சமடைந்துள்ள காட்டுயானை சின்னத்தம்பியை பிடிக்க மாற்று கும்கி யானையான சுயம்பு வரவழைக்கப்பட்டுள்ளது.

திருப்பூர் மாவட்டம் உடுமலை அருகே கிருஷ்ணாபுரம் பகுதியில் சுற்றித் திரிந்த சின்னத்தம்பி யானை கண்ணாடிபுதூர் என்ற இடத்தில் தஞ்சமடைந்தது. பின் கிருஷ்ணாபுரம் பகுதியில் கடந்த ஆறு நாட்களாக இருந்த சின்னத்தம்பி அடுத்து செங்கழனிபுதூரில் முகாமிட்டது. 

பின்னர் அங்கிருந்து வெளியேறிய சின்னத்தம்பி அமராவதி ஆற்றுப்படுகைக்கு வந்து தோட்டத்தில் புகுந்து கரும்பு, வாழை போன்றவை சாப்பிட்டு ஒய்வெடுத்தது. காட்டுக்குள் போகாமல் திருப்பூர் மாவட்ட ஊருக்கு அருகே சுற்றித்திரியும் சின்னதம்பி யானையை அதன் போக்கிலேயே வனத்துக்குள் விரட்ட வனத்துறையினர் முயற்சி செய்து வருகின்றனர். 

கண்ணாடிப்புத்தூர் கிராமத்தில் உள்ள கரும்புத்தோட்டத்தில் தொடர்ந்து தஞ்சமடைந்துள்ள சின்னதம்பி யானையை விரட்ட கும்கியானைகள் கலீமும், மாரியப்பனும் வரவழைக்கப்பட்டன. காட்டு யானை சின்னத்தம்பியை விரட்டும் போது கும்கி மாரியப்பன் யானை மிரண்டு ஓடியது. இதையடுத்து காட்டு யானையை விரட்டும் பணியில் இருந்து மாரியப்பன் விடுவிக்கப்பட்டு டாப்சிலிப் யானைகள் முகாமிற்கு திருப்பி அனுப்பப்பட்டது. 

இந்நிலையில் மாரியப்பன் யானைக்கு மாற்றாக, சுயம்பு என்ற மற்றொரு கும்கி யானை தற்போது கண்ணாடிப்புத்தூருக்கு வரவழைக்கப்பட்டு உள்ளது. சின்னதம்பியை கும்கி சுயம்பு கட்டுக்குள் கொண்டு வருமா என்பதை பொறுத்திருந்து தான் பார்க்க வேண்டும் என வனத்துறையினர் தெரிவித்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close