[X] Close
JUST IN
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை

பனை ஓலைகளால் மக்கள் மனங்களை கவர்ந்த எம்.பி.ஏ. பட்டதாரி 

a-graduate-has-designed-an-handicraft-materials-in-palm-leaf-at-usilampatti

உசிலம்பட்டி அருகே பனை ஓலையில் திருமண அழைப்பிதழ் மற்றும் விசிட்டிங் கார்டுகளை தயாரித்து மக்கள் மனங்களை எம்.பி.ஏ. பட்டதாரி இளைஞர் ஒருவர் கவர்ந்து வருகிறார்.
    
மரங்கள் நமக்கு எவ்வளவோ நன்மைகளை வாரி வழங்குகின்றன. குறிப்பாக பனைமரம் நமக்கு நுங்கு, பனங்கிழங்கு, பதநீர், கருப்பட்டி, பனங்கற்கண்டு என ஏராளமான  பொருள்களை தருகிறது. இயற்கை வேளாண் விஞ்ஞானி நம்மாழ்வார் போன்றோர் ஊட்டிய விழிப்புணர்வில் ஏராளமான இளைஞர்கள் தற்போது பனையைக் காக்கப் புறப்பட்டுள்ளனர். அந்த வகையில் மதுரை மாவட்டம் உசிலம்பட்டியைச் சேர்ந்த சாமிநாதனும் ஒருவர்.

Related image

நெகிழிக்கு மாற்றாக பனை ஓலையில் பெட்டிகள், கொட்டான்கள், சோப்பு கவர்கள், பூச்செடிகள் வளர்க்கும் பெட்டிகள் போன்றவை தயாரித்து வருகிறார். அதுமட்டுமல்லாமல் பனை ஓலையில் திருமண அழைப்பிதழ்கள், விசிட்டிங் கார்டுகள், திருமணத்துக்கான மாலைகள் என இவர் தயாரிக்கும் பொருள்கள், பழைமை மாறாத புதுமையாக மிளிர்கின்றன.

Related image

திருப்பூர் மாவட்டம், ஆமந்தகடவு கிராமத்தை சொந்த ஊராக கொண்ட சாமிநாதன், தற்போது மதுரை மாவட்டம் உசிலம்பட்டி அருகே டி.இராமநாதபுரத்தில் வசிக்கிறார். படிக்கும் போது விவசாயத்தில் பெரிய அளவில் நாட்டம் இல்லை எனக் கூறும் சாமிநாதன் எம்.பி.ஏ படித்து முடித்துவிட்டு, 2012-ல் தனியார் வங்கியில் பணியில் சேர்ந்து மாதம் 30,000 ரூபாய் சம்பளம் பெற்று வந்துள்ளார். 

Related image

இதனிடையே நம்மாழ்வாரின் காணொளிகளைப் பார்க்கும் ஒரு வாய்ப்பு கிடைத்துள்ளது. அதைப் பார்த்ததும் விவசாயம் செய்ய ஆர்வம் காட்டியுள்ளார். 2015-ல் வங்கிப் பணியை விட்டுவிட்டு டி.இராமநாதபுரத்தில் தனது நண்பருக்கு சொந்தமான நான்கு ஏக்கர் நிலத்தில் இயற்கை விவசாயம் செய்ய ஆரம்பித்த சாமிநாதனுக்கு மரபு சார்ந்த தொழில்களை மீட்டெடுக்க வேண்டும் என்ற எண்ணம் தோன்றியுள்ளது. அதனால் சாமிநாதனுக்கு தங்கள் பகுதியில் அதிகமாக உள்ள பனைமரத்தின் மூலம் கிடைக்கும் பனை ஓலையில் கைவினைப் பொருட்களை தயாரிப்பது என முடிவு செய்தார். இதற்காக தூத்துக்குடியைச் சேர்ந்த தனது நண்பரிடம் ஓலைப் பின்னல்களைக் கற்றுக்கொண்ட சாமிநாதன் பனை ஓலையில் பெட்டிகள், சோப்பு கவர்கள், பூச்செடிகள் வளர்க்கும் பெட்டிகள் போன்றவைகளை தயாரித்து வருகிறார். 

Image result for பனை ஓலை பொருட்கள்

இந்நிலையில் இதிலும் புதிய முயற்சியாக கடந்த 6 மாதங்களுக்கு முன்பு திருமண அழைப்பிதழ் மற்றும் விசிடிங் கார்டு, திருமண மாலை உள்ளிட்ட பொருட்களை தயாரித்த சாமிநாதன், முதன்முறையாக தனது திருமணத்தின் போது அதை செயல் வடிவமாக்கினார். ஆம்; அவரது திருமண அழைப்பிதழ் மற்றும் திருமண மாலைகள், மேடை அலங்காரம் உள்ளிட்ட அனைத்தையும் பனை ஓலையில் செய்து அசத்தி அனைவரின் வரவேற்பையும் பெற்றுள்ளார். 

“திருமணம் முடிந்த போது வங்கி வேலையை விட்டு வந்த கணவனுக்கு இந்தப் பனை ஓலை தொழில் எந்த அளவிற்கு லாபம் தரும் என என் வீட்டில் உள்ளவர்கள் கேள்வி கேட்டனர். தற்போது இந்தப் பனை ஓலையில் கைவினை பொருட்கள் மற்றும் திருமண அழைப்பிதழ்களை அச்சடித்து விற்பனை செய்வதில் அதிக லாபம் ஈட்டுவது மகிழ்ச்சியாக உள்ளது. நானும் கல்லூரி பேராசிரியர் பணியை விட்டுவிட்டு இந்தத் தொழிலில் எனது கணவருடன் செய்து வருகிறேன்” என்கிறார் சாமிநாதனின் மனைவி கோகிலா.

Advertisement:
இது தொடர்பான செய்திகள் :
Advertisement:
Advertisement:
[X] Close