[X] Close
JUST IN
  • BREAKING-NEWS ஜெயலலிதாவின் படத்தை சட்டமன்றத்தில் வைக்க எதிர்ப்பு தெரிவித்தவர் விஜயகாந்த் என்பதால் அவருடன் கூட்டணி வைத்தால் தொண்டர்கள் ஏற்கமாட்டார்கள் - டிடிவி தினகரன்
  • BREAKING-NEWS தேமுதிகவோடு தொடர்ந்து பேச்சுவார்த்தையில் ஈடுபட்டு வருகிறோம்; ஓரிரு நாட்களில் கூட்டணி அமையும் - மதுரை விமானநிலையத்தில் துணைமுதல்வர் ஓ.பன்னீர்செல்வம் பேட்டி
  • BREAKING-NEWS மதுரையில் பாஜக, அதிமுக நிர்வாகிகளை சந்திக்கவில்லை - த.மா.கா தலைவர் வாசன் புதிய தலைமுறைக்கு பேட்டி
  • BREAKING-NEWS வரும் நாடாளுமன்ற தேர்தலிலும் பாஜக வெற்றி பெறும் - ராமநாதபுரம் பாஜக பொதுக்கூட்டத்தில் அமித் ஷா பேச்சு
  • BREAKING-NEWS நாடாளுமன்ற தேர்தலில் தேமுதிக சார்பில் போட்டியிட பிப்.24 முதல் விருப்பமனு விநியோகம்
  • BREAKING-NEWS சென்னையில் பெட்ரோல் லிட்டருக்கு ரூ. 74.02 காசுகளாகவும், டீசல் லிட்டருக்கு ரூ. 70.25 காசுகளாகவும் விலை நிர்ணயம்
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா

எஸ்பிஐக்கு எதிரான சட்டவிரோத பணப்பரிமாற்ற வழக்கு ஒத்திவைப்பு

illegal-cash-transaction-against-sbi-and-v-g-n-developers-is-postponed

வி.ஜி.என். டெவலப்பர்ஸ் மற்றும் பாரத ஸ்டேட் வங்கி அதிகாரிகளுக்கு எதிராக அமலாக்கப் பிரிவு சட்டவிரோத பணபரிமாற்றத் தடைச்சட்டப் பிரிவின் கீழ் சென்னை முதன்மை அமர்வு நீதிமன்றத்தில் வழக்கு தொடர்ந்துள்ளது.

சென்னை, கிண்டி தொழிற்பேட்டையில் இயங்கி வந்த இந்துஸ்தான் டெலிபிரின்டர்ஸ் என்ற பொதுத்துறை நிறுவனம், பல்வேறு வங்கிகளிடம் இருந்து பெற்ற கடனைத் திருப்பிச் செலுத்துவதற்காக, தொழிற்பேட்டையில் உள்ள 11.021 ஏக்கர் நிலத்தை விற்பனை செய்ய முடிவு செய்தது. இதற்கிடையே 10.46 ஏக்கர் நிலத்தை ஸ்டேட் பாங்க் ஆஃப் இந்தியா, விஜிஎன் டெவலப்பர்ஸ் என்ற நிறுவனத்திற்கு 272 கோடி ரூபாய்க்கு 2013ல் விற்பனை செய்தது. 

Image result for SbI

387 கோடி ரூபாய் நிலத்தை, 272 கோடி ரூபாய்க்கு விற்றதன் மூலம், மத்திய அரசுக்கு 115 கோடி ரூபாய் இழப்பு ஏற்படுத்தியதாக, வி.ஜி.என் டெவலப்பர்சின் நிர்வாக இயக்குனர் பிரதீஷ், முன்னாள் தலைமை செயல் அதிகாரி குப்தா, ஸ்டேட் பாங்க் ஆஃப் இந்தியாவின் துணைப் பொது மேலாளர் லியோன் தெரட்டில், முன்னாள் தலைமை மேலாளர் ராமதாஸ் ஆகியோருக்கு எதிராக சி.பி.ஐ. வழக்குப்பதிவு செய்தது.

Image result for V.G.N Developers

இந்த வழக்கின் அடிப்படையில் விசாரணை நடத்திய அமலாக்கப் பிரிவு, 115 கோடி ரூபாய் இழப்பு ஏற்படுத்தி வாங்கிய நிலத்தில்,அடுக்குமாடி குடியிருப்புகள் கட்டி விற்பனை செய்து, 432 கோடி ரூபாய் வருவாய் ஈட்டியுள்ளதாகக் கூறி, வி.ஜி.என். டெவலப்பர்ஸ் நிறுவனம் உள்ளிட்ட ஐந்து பேருக்கு எதிராக அமலாக்கப் பிரிவு, சட்டவிரோத பண பரிமாற்றத் தடைச் சட்டத்தின் கீழ், சென்னை முதன்மை அமர்வு நீதிமன்றத்தில் வழக்கு தொடர்ந்தது.

இந்த வழக்கு சென்னை முதன்மை அமர்வு நீதிமன்ற நீதிபதி சுபாதேவி முன் விசாரணைக்கு வந்த போது, வழக்கில் குற்றம் சாட்டப்பட்ட வி.ஜி.என் டெவலப்பர்ஸ் நிறுவன நிர்வாக இயக்குனர் பிரதீஷ், முன்னாள் தலைமை செயல் அதிகாரி குப்தா, ஸ்டேட் பாங்க் ஆஃப் இந்தியா துணைப் பொது மேலாளர் லியோன் தெரட்டில், முன்னாள் தலைமை மேலாளர் ராமதாஸ் ஆகியோர் நேரில் ஆஜராகியிருந்தனர். இதையடுத்து வழக்கின் விசாரணையை பிப்ரவரி 22ம் தேதிக்கு நீதிபதி ஒத்திவைத்து உத்தரவிட்டனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close