[X] Close
JUST IN
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

கால்நடை உதவி மருத்துவர் தற்கொலை - உறவினர்கள் சாலை மறியல்

veterinary-doctor-dies-in-suicide-and-his-family-protests

திருத்தணியில் கால்நடை உதவி மருத்துவர் தற்கொலை செய்து கொண்டதால் அவரது உறவினர்கள் சாலை மறியலில் ஈடுபட்டனர். 

திருத்தணி அருகே பாலாபுரத்தில் மகன்தாலிகாபுரம் பகுதியைச் சேர்ந்த சிவா என்பவர் ஒப்பந்த அடிப்படையில் கால்நடை உதவி மருத்துவராக பணியாற்றி வந்தார். கடந்த இரண்டரை மாதங்களாக பணியாற்றி வந்த அவர், தனது வீட்டின் பின்புறம் உள்ள அறையில் நேற்றிரவு திடீரென தூக்கிட்டு தற்கொலை செய்து கொண்டார். தகவலறிந்த ஆர்.கே.பேட்டை காவல்துறையினர் சிவாவின் உடலை மீட்டு பிரேதப் பரிசோதனைக்காக வேலூர் சோழிங்கநல்லூர் அரசு மருத்துவமனைக்கு அனுப்பி வைத்தனர். 

இதனிடையே, சிவாவின் தற்கொலைக்கு திருத்தணி கால்நடை பராமரிப்புத்துறை உதவி இயக்குனர் மகேந்திரன்தான் காரணம் என சிவாவின் சகோதரர் குற்றஞ்சாட்டினார். அரசுத் திட்டங்களை விரைந்து முடிக்கக் கோரியும் பயனாளிகளிடம் லஞ்சம் வாங்கவும் சிவாவை மகேந்திரன் கட்டாயப்படுத்தியதாக அவர் புகார் தெரிவித்தார். 

இதனால் கடந்த ஒருவாரமாக சிவா மன உளைச்சலில் இருந்ததாக சிவாவின் சகோதரர் தெரிவித்தார். இதற்காக மகேந்திரனை கைது செய்ய வலியுறுத்தி அவரது உறவினர்கள் திருத்தணி - சோளிங்கர் சாலையில் மறியல் செய்தனர். மகேந்திரன் மீது நடவடிக்கை எடுக்கக் கோரி, திருவள்ளூர் மண்டல கால்நடை உதவி பெண் மருத்துவர்கள் உட்பட 75க்கும் மேற்பட்டோர் திடீர் விடுப்பு எடுத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close