[X] Close
JUST IN
  • BREAKING-NEWS ஜெயலலிதாவின் படத்தை சட்டமன்றத்தில் வைக்க எதிர்ப்பு தெரிவித்தவர் விஜயகாந்த் என்பதால் அவருடன் கூட்டணி வைத்தால் தொண்டர்கள் ஏற்கமாட்டார்கள் - டிடிவி தினகரன்
  • BREAKING-NEWS தேமுதிகவோடு தொடர்ந்து பேச்சுவார்த்தையில் ஈடுபட்டு வருகிறோம்; ஓரிரு நாட்களில் கூட்டணி அமையும் - மதுரை விமானநிலையத்தில் துணைமுதல்வர் ஓ.பன்னீர்செல்வம் பேட்டி
  • BREAKING-NEWS மதுரையில் பாஜக, அதிமுக நிர்வாகிகளை சந்திக்கவில்லை - த.மா.கா தலைவர் வாசன் புதிய தலைமுறைக்கு பேட்டி
  • BREAKING-NEWS வரும் நாடாளுமன்ற தேர்தலிலும் பாஜக வெற்றி பெறும் - ராமநாதபுரம் பாஜக பொதுக்கூட்டத்தில் அமித் ஷா பேச்சு
  • BREAKING-NEWS நாடாளுமன்ற தேர்தலில் தேமுதிக சார்பில் போட்டியிட பிப்.24 முதல் விருப்பமனு விநியோகம்
  • BREAKING-NEWS சென்னையில் பெட்ரோல் லிட்டருக்கு ரூ. 74.02 காசுகளாகவும், டீசல் லிட்டருக்கு ரூ. 70.25 காசுகளாகவும் விலை நிர்ணயம்
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா

ஏன் துப்புரவு பணிக்கு விண்ணப்பித்தேன் ? பொறியியல் பட்டம் பெற்ற இளைஞர் விளக்கம்

why-this-chennai-grad-says-he-s-applying-for-sweepers-job

பொறியியல் பட்டம் முடித்திருந்தும் துப்புரவு பணிக்கு விண்ணப்பம் செய்ததற்கான காரணத்தை இளைஞர் ஒருவர் விளக்கியுள்ளார்.

சென்னையில் உள்ள தலைமை செயலத்தில் துப்புரவு மற்றும் சுகாதாரப் பணிக்காக 14 பேர் தேவை என்ற வேலைவாய்ப்பு செய்தி கடந்த 2018-ஆம் ஆண்டு ஆகஸ்ட் மாதம் வெளியானது. இந்தப் பணிக்காக சுமார் 4,000 பேர் விண்ணப்பித்துள்ளனர். இதில் எம்.பி.ஏ., பொறியியல், கலை மற்று அறிவியல் பட்டதாரிகள் உள்ளிட்டோரும் அடங்குவர். விண்ணப்பித்தவர்களில் 3930 பேருக்கு தகுதித்தேர்வுகள் நடத்தப்படவுள்ளது. துப்புரவு பணிக்கு பொறியியல் பட்டதாரிகள் உள்ளிட்டோர் விண்ணப்பித்திருப்பது தமிழகத்தில் வேலைக்கு இளைஞர்கள் படும் கஷ்டத்தை எடுத்துக் கூறும் விதமாக உள்ளது.

பொறியியல் பட்டம் படித்திருந்தும் எதற்காக துப்புரவு பணிக்கு விண்ணப்பித்தேன் என்பது குறித்து 23 வயது இளைஞரான தன்சிங் அருள் என்பவர் என்டிடிவி-க்கு பதில் அளித்துள்ளார்.  அதில் அவர் கூறியிருப்பதாவது:- “ பொறியியல் பட்டம் முடித்திருந்தாலும் தற்போது 4 மாதங்களாக எந்தவித வேலையும் இல்லை. இதனால் மிகவும் சிரமப்படுகிறேன். இதற்கு முன்னதாக தினசரி ஊதிய அடிப்படையில் தூத்துக்குடியில் சில காலங்கள் வேலை பார்த்தேன். தற்போது எந்தவித வேலையும் இல்லை என்பதால் என்னால் துப்பரவு பணி கூட செய்ய முடியும். அதனால் அப்பணிக்கு விண்ணப்பித்துள்ளேன்.

என்னிடம் பழைய மாடல் ஒரு சிறிய போன்தான் உள்ளது. அதிலும் பேலன்ஸ் இல்லை. நண்பர் ஒருவரின் ஹாட்ஸ்பாட் உதவியுடன் தமிழக அரசு கொடுத்த இலவச லேட்டாப் வழியாகத் தான் இந்தப் பணிக்கு விண்ணப்பித்துள்ளேன். இணைய சேவை பெறுவதற்கு கூட என்னிடம் எந்த பணமும் இல்லை” எனக் கூறியுள்ளார்.

இதனிடையே இதுகுறித்து பேசியுள்ள அமைச்சர் ஜெயக்குமார், “ வேலைவாய்ப்பை ஏற்படுத்தி தருவது தான் எங்களின் கடமை. இருந்தாலும் ஐந்தாண்டு காலத்தில் 60 லட்சம் வேலைவாய்ப்புகளை ஏற்படுத்தி தர இயலாது. தனியார் துறைகளிலும் வேலை பெற இளைஞர்கள் முயற்சிக்க வேண்டும். இளைஞர்கள் பெரும்பாலும் அரசாங்க வேலையையே எதிர்பார்க்கின்றனர். அதில்தான் பாதுகாப்பு இருக்கும் என்றும் அவர்கள் கருதுகின்றனர்” என தெரிவித்தார்.

Advertisement:
Advertisement:
Advertisement:
[X] Close