[X] Close
JUST IN
  • BREAKING-NEWS நிலவின் சுற்றுவட்டப்பாதையை நெருங்குகிறது சந்திரயான் விண்கலம். காலை ஒன்பதரை மணியளவில் நிலவை சுற்றத் தொடங்கும் என இஸ்ரோ தகவல்
  • BREAKING-NEWS முன்னாள் நிதியமைச்சர் ப.சிதம்பரம் 23ஆம் தேதி விசாரணைக்கு ஆஜராக அமலாக்கத்துறை சம்மன். ஐஎன்எக்ஸ் மீடியா வழக்கில் முன் ஜாமீன் கோரிய மனு மீது டெல்லி உயர்நீதிமன்றம் இன்று தீர்ப்பு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

பிரதமர் மோடியிடம் முதலமைச்சர் பழனிசாமி வைத்த கோரிக்கைகள் என்னென்ன?

chief-minister-edappadi-palanisamy-statement-to-modi-about-tamilnadu-issues

மதுரை எய்ம்ஸ் மருத்துவமனைக்கு பிரதமர் மோடி இன்று அடிக்கல் நாட்டினார். மதுரை, தஞ்சாவூர், திருநெல்வேலி அரசு மருத்துவக் கல்லூரிகளில் சூப்பர் ஸ்பெஷாலிட்டி மருத்துவமனை உள்ளிட்ட பல்வேறு திட்டங்களையும் அவர் தொடங்கி வைத்தார்.

ரூ.1,264 கோடியில் அமையும் எய்ம்ஸ் மருத்துவமனையில் 750 படுக்கை வசதி, 100 எம்.பி.பி.எஸ். கல்வி இடங்கள் உள்பட பல்வேறு வசதிகள் ஏற்படுத்தப்பட உள்ளன. இந்த மருத்துவமனைக்கான அடிக்கல் நாட்டு விழா, மதுரை மண்டேலா நகரில் இன்று நடைபெற்றது.

இதில் பங்கேற்ற பின்னர் மோடி அங்கிருந்து கிளம்பி சென்றார். அப்போது, முதலமைச்சர் எடப்பாடி பழனிசாமி பல்வேறு கோரிக்கைகள் அடக்கிய மனு ஒன்றினை பிரதமர் மோடியிடம் கொடுத்தார். 

அதில், “ ஜெயலலிதா, அண்ணாவுக்கு பாரத ரத்னா விருது வழங்க வேண்டும். சென்ட்ரல் ரயில் நிலையத்துக்கு புரட்சி தலைவர் எம்.ஜி.ஆர் பெயரை சூட்ட வேண்டும். கர்நாடக அரசு அளித்த மேகதாது திட்ட விரிவான அறிக்கையை ரத்து செய்ய வேண்டும். அணை பாதுகாப்பு மசோதா தயாரிப்பு பணியை நிறுத்தி வைக்க வேண்டும். முல்லை பெரியாறு ஆற்றில் புதிய அணை கட்ட ஆய்வுக்கு வழங்கப்பட்ட அனுமதியை ரத்து செய்ய வேண்டும். ஒசூர், நெய்வேலி, ராமநாதபுரம் நகரங்களில் உதான் திட்டம் கீழ் விமானம் சேவை தேவை. சென்னை மெட்ரோ ரயில் இரண்டாவது திட்டத்தில் 50:50 கூட்டுத் திட்டத்தில் அனுமதி அளிக்க வேண்டும். சேலம் உருக்காலையின் காலியிடத்தில் பாதுகாப்பு தளவாட உற்பத்தி மையம் அமைக்க வேண்டும். கஜா புயல் பாதிப்புக்கு கூடுதல் நிதி ஒதுக்க வேண்டும். 14 ஆவது நிதிக்குழு தர வேண்டிய நிலுவைத்தொகையை உடனடியாக வழங்க வேண்டும். பட்டாசு தொழிலை பாதுகாக்கவும், 2 ஆம் கட்ட மெட்ரோ ரயில் திட்டத்திற்கு நிதி ஒதுக்கவும் வேண்டும்.” என்பன உள்ளிட்ட பல்வேறு கோரிக்களை வலியுறுத்தியுள்ளார். 

Advertisement:
Advertisement:
Advertisement:
[X] Close