[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

அமைச்சர் ஜெயக்குமார் எச்சரிக்கை: ஜாக்டோ-ஜியோ நிராகரிப்பு

jakto-geo-workers-should-return-their-work-minister-jeyakumar

போராட்டத்தில் ஈடுபட்டுள்ள ஜாக்டோ-ஜியோ ஊழியர்கள் உடனடியாக பணிக்கு திரும்ப வேண்டும் என்று அமைச்சர் எச்சரிக்கை விடுத்துள்ளார். அதை ஏற்க முடியாது என்று ஜாக்டோ-ஜியோ தெரிவித்துள்ளது.

பழைய ஓய்வூதிய திட்டத்தை அமல்படுத்துவது உட்பட பல்வேறு கோரிக்கைகளை வலியுறுத்தி அரசு ஊழியர்கள் மற்றும் ஆசிரியர் சங்கங்களின் கூட்டமைப்பான ஜாக்டோ ஜியோ, கடந்த 22 ஆம் தேதி முதல் வேலைநிறுத்தப் போராட்டத்தில் ஈடுபட்டுள்ளது. இது தொடர்பாக முதலமைச்சர் எடப்பாடி பழனிசாமியுடன் பள்ளிக் கல்வித்துறை அமைச்சர் செங்கோட்டை யன் இன்று ஆலோசனை நடத்தினார். முதலமைச்சர் இல்லத்தில் நடைபெற்ற ஆலோசனையில் தலைமைச் செயலாளர் கிரிஜா வைத்தியநாதன், பள்ளிக் கல்வித் துறை செயலாளர் பிரதீப் யாதவ், சென்னை பெருநகர காவல் ஆணையர் ஏ.கே.விஸ்வநாதன் ஆகியோர் பங்கேற்றனர். 

பின்னர் செய்தியாளர்களிடம் பேசிய அமைச்சர் செங்கோட்டையன், ‘’ஜாக்டோ-ஜியோ அமைப்பின் கோரிக்கைகள் ஏற்கப்படும்’’ என்று கூறியிருந்தார்.

இந்நிலையில், போராட்டத்தில் ஈடுபடுபவர்கள் பணிக்குத் திரும்ப வேண்டும். திரும்பாத அரசு ஊழியர்கள் மற்றும் ஆசிரியர்கள் மீது துறை ரீதியான ஒழுங்கு நடவடிக்கை எடுக்கப்படும் என்று அமைச்சர் ஜெயக்குமார் எச்சரித்துள்ளார். கல்வி, மக்கள் பணிக்கு இடையூறு ஏற்படுத்தும் போராட்டங்களை கைவிட வேண்டும் என்று கூறியுள்ள அவர், பழைய ஓய்வூதிய திட்டத்தை அமல்படுத்துவது சாத்தியமில்லை என்றும் அதை செயல்படுத்தினால் மக்கள் நலதிட்டங்களுக்கு நிதி இல்லாமல் போகும் என்றும் தெரிவித்துள்ளார். பழைய ஓய்வூதிய திட்டத்தை ரத்து செய்வதாக முன்னாள் முதல்வர் ஜெயலலிதா கூறவில்லை என்றும் அவர் தெரிவித்துள்ளார். 

ஆனால் இதை ஏற்க மறுத்துள்ள ஜாக்டோ- ஜியோ அமைப்பினர், பழைய ஓய்வூதிய திட்டத்தை தருவதாகக் கூறினால் பணிக்கு திரும்ப தயார் என்று தெரிவித்துள்ளனர். அந்த அமைப்பின் மாயன் கூறும்போது, ’’பழைய ஓய்வூதிய திட்டத்தை செயல்படுத்துவதால் அரசுக்கு அதிக செலவில்லை. நாங்கள் புதிய கோரிக்கை எதையும் வைக்கவில்லை. ஏற்கனவே நடைமுறையில் இருந்ததைதான் கேட்கிறோம். அமைச்சர் ஜெயக்குமார் கூறுவதை ஏற்க முடியாது’’ என்று தெரிவித் துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close