[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

கோவையில் ஒரே குடும்பத்தைச் சேர்ந்த 5 பேர் சடலமாக மீட்பு

5-dead-in-one-family-in-coimbatore

கோவையில் ஒரே வீட்டில் 5 பேர் சடலமாக மீட்கப்பட்டுள்ளனர். அதேசமயம் வீட்டிலிருந்து கைப்பற்றப்பட்ட கடிதம் அனைவரையும் அதிர்ச்சியில் ஆழ்த்தியுள்ளது.

கோவை மாவட்டம் கருமத்தப்பட்டி அருகே கடந்த 6 மாதங்களாக வாடகை வீட்டில் வசித்து வருபவர் அந்தோணி. வயது 38. இவர் திருப்பூர் மாவட்டத்தில் உள்ள அரசுப் பள்ளி ஒன்றில் ஆசிரியராக பணிபுரிந்து வருகிறார். அந்தோணிக்கு சோபனா என்ற மனைவியும், 7 வயதில் ஒரு மகனும், ஒன்னரை வயதில் ஒரு மகளும் உள்ளனர். இதுதவிர அந்தோணியின் அம்மா புவனேஸ்வரி என 5 பேரும் ஒரே வீட்டில்தான் வசித்து வந்துள்ளனர்.

இதனிடையே இன்று மாலை வரை அந்தோணி வீட்டில் இருந்து யாரும் வெளியே வராத நிலையில் இருந்துள்ளனர். இதனையடுத்து அக்கம்பக்கத்தினர் அந்தோணியின் வீடு உள்ளே சென்ற பார்த்தபோது, அந்தோணி தூக்கில் தொங்கிய நிலையில் இறந்து கிடந்துள்ளார். அந்தோணியின் மனைவியான சோபா, மற்றும் அவர்களின் இரு குழந்தைகள், அந்தோணியின் தாயான புவனேஸ்வரி ஆகிய 4 பேரும் விஷம் அருந்திய நிலையில் இறந்து கிடந்துள்ளனர். உடனே அக்கம்பக்கத்தினர் இதுகுறித்து போலீசாருக்கு தகவல் தெரிவித்தனர்.

போலீசார் விரைந்து வந்து விசாரணை மேற்கொண்டனர். அப்போது அவர்களின் கையில் ஒரு கடிதம் சிக்கியது. அந்தோணி எழுதிய அந்தக் கடிதத்தில், 12 வருடம்தான் முதுகுவலியால் அவதிப்படுவதாகவும், தொடர்ந்து சிகிச்சை பெற்றுவந்தும் முதுகுவலி சரியாகவில்லை எனவும் குறிப்பிட்டுள்ளார்.

எனவே தனியாக இறக்க விரும்பவில்லை என குறிப்பிட்டுள்ள அந்தோணி, தங்களுடைய மரணத்திற்கு யாரும் காரணம் இல்லை எனவும் தெரிவித்துள்ளார். இதன்மூலம் அந்தோணி தூக்கில் தொங்குவதற்கு முன்பு, வீட்டில் உள்ள அனைவருக்கும் விஷம் வைத்தது தெரியவந்துள்ளது. 5 பேரின் உடல்களை கைப்பற்றியுள்ள கருமத்தப்பட்டி போலீசார் தொடர்ந்து விசாரணை மேற்கொண்டு வருகின்றனர். ஒரே வீட்டில் 5 பேர் உயிரிழந்த சம்பவம் அப்பகுதி மக்களை சோகத்தில் ஆழ்த்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close