[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

பொங்கல் பண்டிகை விடுமுறை ! வண்டலூர் பூங்கா திறக்கப்பட்டிருக்கும்

vandalur-zoo-opens-on-pongal-holidays


பொங்கல் பண்டிகைக்காக வண்டலூர் உயிரியல் பூங்கா ஜனவரி 15 மற்றும் 16, 17 ஆகிய தேதிகளில் திறக்கப்பட்டிருக்கும் என தெரிவிக்கப்பட்டுள்ளது. பொதுவாக ஒவ்வொரு வாரமும் செவ்வாய்க்கிழமை வண்டலூரில் உள்ள அறிஞர் அண்ணா உயிரியல் பூங்காவுக்கு விடுமுறை. ஆனால், ஜனவரி 15 ஆம் தேதி பொங்கல் பண்டிகை செவ்வாய்க்கிழமை வருவதால், பொது மக்களுக்காக பூங்கா திறக்கப்பட்டிருக்கும் என தெரிவிக்கப்பட்டுள்ளது.

தமிழகத்தின் பண்டிகைகளிலேயே நீண்ட விடுமுறை நாட்களை கொண்டது பொங்கல். போகி, தைப்பொங்கல், மாட்டுப் பொங்கல், காணும் பொங்கல் எனத் தொடர்ச்சியாக நான்கு நாட்கள் விடுமுறைகள் வரும். இந்த ஆண்டு பொங்கல் பண்டிகையானது ஜனவரி 15-ஆம் தேதி கொண்டாடப்பட உள்ளது. இதனால் மக்கள் அனைவரும் சுற்றுலா தலங்களுக்குச் செல்வது வழக்கம். 

இதற்காக, சென்னை வண்டலூரில் உள்ள முக்கிய சுற்றுலா தலமான உயிரியல் பூங்கா சிறப்பு ஏற்பாடுகளை மேற்கொண்டிருக்கிறது. பொங்கல் விடுமுறையையொட்டி ஜனவரி 15,16,17 ஆகிய தேதிகளில் காலை 8 மணி முதல் மாலை 6 மணி வரை பூங்கா திறந்திருக்கும். 

அதேபோல, பார்வையாளர்களின் வசதிக்காக கூடுதலாக 20 நுழைவுச்சீட்டு கவுண்ட்டர்கள் அமைக்கப்பட்டுள்ளன. மேலும் பார்வையாளர்கள் www.aazp.in என்ற இணையதளம் மற்றும் வண்டலூர் ஆப் மூலம்  நுழைவுச் சீட்டுகளை வாங்கலாம். 

அத்துடன் சுற்றுலா வருபவர்களின் வசதிக்காக இரண்டு கூடுதல் வாகன நிறுத்துமிடம் அமைக்கப்பட்டுள்ளது. கேளம்பாக்கம் சாலையில் உள்ள கிரசெண்ட் கல்லூரி அருகேயும் விஜிபி திடலிலும் வாகனங்களை நிறுத்தலாம். இந்த வாகன நிறுத்துமிடங்களிலிருந்து பூங்காவுக்கு செல்ல இலவசப் பேருந்து வசதி செய்யப்பட்டுள்ளது.

தமிழ்நாடு போக்குவரத்து துறை சார்பில் வண்டலூர் பூங்காவிற்கு சிறப்புப் பேருந்துகள் இயக்கப்படுகின்றன. மேலும் தமிழக அரசு பூங்காவிற்கு வருபவர்கள் நெகிழி பொருட்கள், மதுபாட்டில்கள்,கரும்பு ஆகியவற்றை எடுத்து வரக் கூடாது என அறிவுறித்தியுள்ளது. 
 

Advertisement:
Advertisement:
Advertisement:
[X] Close