[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்

போலி நகைகள் ரூ.1.5 கோடிக்கு அடகு வைப்பு : வங்கி நகை மதிப்பீட்டாளரே மோசடி

vizhuppuram-gold-loan-fraud-bank-gold-valuer-arrested

விழுப்புரத்தில் போலி நகைகளை வைத்து ஒன்றரை கோடி ரூபாய் அளவுக்கு மோசடி செய்த வங்கி நகை மதிப்பீட்டாளர் கைது செய்யப்பட்டுள்ளார்.

விழுப்புரம் மாவட்டம் செஞ்சி அடுத்த திருவம்பட்டு பஞ்சாப் நேஷனல் வங்கியில், புதுச்சேரி மாநிலம் முதலியார்பேட்டை பகுதியை சேர்ந்த ஜெகநாதன் என்பவர் கடந்த 7 வருடங்களாக நகைப் மதிப்பீட்டாளராக பணிபுரிந்து வருகிறார். இதனால் வங்கிக்கு வரும் வாடிக்கையாளர்களுக்கு நல்ல அறிமுகமானவர் ஜெகநாதன். இதனை பயன்படுத்தி கடந்த 2 வருடங்களாக போலி நகைகளை வாடிக்கையாளர்களிடம் கொடுத்து, அவர்களின் வங்கி கணக்கில் வைத்து தனக்கு பண உதவி செய்யுமாறு கேட்டுக்கொண்டுள்ளார். 

நம்பிக்கையானவர் என்பதால் வாடிக்கையாளர்களும் போலி நகை என தெரியாமல் தங்கள் வங்கி கணக்கில் நகை வைத்து உதவி செய்துள்ளனர். அதன் மூலம் போலி நகைகளை வங்கியில் வைத்து சுமார் 1.5 கோடி பணத்தை கையாடல் செய்துள்ளதாக தெரிகிறது. இந்நிலையில் ஜெகநாதன் நடத்தையில் சந்தேகம் எழவே வங்கி மேலாளர் நகைகளை ஆய்வு செய்தபோது, சுமார் 1.5 கோடி அளவிற்க்கு போலி நகைகளை வைத்து பணம் கையாடல் செய்தது கண்டுபிடிக்கப்பட்டது. இதனையடுத்து வங்கி மேலாளர் செஞ்சி காவல் நிலையத்தில் புகார் அளித்தார். 

இதைத்தொடர்ந்து வங்கி நகை மதிப்பீட்டாளர் ஜெகநாதனை கைது செய்த செஞ்சி காவல்துறையினர், அவரிடம் 1.5 கோடி பணம் கையாடல் தொடர்பாக விசாரணை மேற்கொண்டு வருகின்றனர். அத்துடன் திருவம்பட்டு கிளை வங்கி லாக்கரில் உள்ள நகைகளையும் ஆய்வு செய்து வருகின்றனர். மேலும் இது தொடர்பாக ஆவணங்களையும் சென்னை மண்டல அலுவலர் தலைமையிலான குழு ஆய்வுக்கு உட்படுத்தியுள்ளனர். வங்கி நகை மதிப்பீட்டாளரே மோசடி செய்த சம்பவம் அப்பகுதியில் பெரும் பரப்பரப்பை ஏற்படுத்தி உள்ளது.

Advertisement:
Advertisement:
Advertisement:
[X] Close