[X] Close
JUST IN
  • BREAKING-NEWS பிரபல பாலிவுட் நடிகர் அமிதாப் பச்சனுக்கு உடல்நலக்குறைவு: மருத்துவமனையில் அனுமதி
  • BREAKING-NEWS எல்லையில் பங்களாதேஷ் பாதுகாப்புப் படையினர் துப்பாக்கிச்சூடு: பிஎஸ்எஃப் வீரர் ஒருவர் உயிரிழப்பு
  • BREAKING-NEWS நாங்குநேரியில் ஆங்காங்கே சிதறிக்கிடந்த 2 ஆயிரம் ரூபாய் நோட்டுகள் பறிமுதல்: 5 பேரிடம் விசாரணை

அலங்காநல்லூரில் சீறிப்பாய தயாராகும் காளைகள் ! 848 வீரர்கள் தேர்வு 

848-members-are-qualified-for-alanganallur-jallikattu

தமிழர் திருநாளான பொங்கல் நன்னாளில் புத்தாடை அணிந்து, பொங்கலிட்டு, சூரியனை வணங்குவதோடு ஜல்லிகட்டும் பாரம்பரிய கலாசாரத் திருவிழாவாக கொண்டாடப்படுகிறது. பொங்கல் பண்டிகை நெருங்கி வரும் நிலையில் ஜல்லிக்கட்டுக்கு வாடிவாசல் வழியாக பாய்ந்தோட காளைகள் காத்துகிடக்கின்றன.  ஒலிம்பிக் போட்டிக்கு தயாராகும் வீரர்களைப் போலவே ஒவ்வொரு காளையும் ஜல்லிக்கட்டுக்கு தயாராகி வருகிறது என்றே கூறலாம். 

Image result for அலங்காநல்லூர் ஜல்லிக்கட்டு 2018

காளைகளை களத்தில் சந்திக்க காளையர்கள் தயாராகி வரும் நிலையில், உலகப் புகழ் பெற்ற அலங்காநல்லூர் ஜல்லிக்கட்டு போட்டியில் கலந்துகொள்ளும் வீரர்களுக்கான முன்பதிவு மற்றும் தேர்வு முகாம் இன்று நடைபெற்றது. அலங்காநல்லூர் பெண்கள் மேல்நிலைப்பள்ளியில் நடைபெற்ற இந்த முகாமில் மதுரை, திருச்சி, திண்டுக்கல், சிவகங்கை, ராமநாதபுரம், தேனி உள்ளிட்ட பல்வேறு மாவட்டங்களை சேர்ந்த 876 வீரர்கள் கலந்துகொண்டனர்.

Related image

அடையாள அட்டை, புகைப்படங்கள் உள்ளிட்ட ஆவணங்கள் சரி செய்யப்பட்டு உடல் பரிசோதனையில் உயரம், எடை, ரத்த அழுத்தம், சர்க்கரை நோய், இருதய நோய், உடலில் தீராத நோய் ஏதும் உள்ளதா என்பது குறித்து ஆய்வு சோதனை நடைப்பெற்றது. இச்சோதனையில் 848 பேர்  தேர்வு செய்யப்பட்டு ஜல்லிக்கட்டு போட்டியில் கலந்து கொள்வதற்கான அனுமதி சான்றினை பெற்றுள்ளனர். 

Image result for மாடுபிடி வீரர்கள்

தற்பொது உடல் தகுதி சோதனை நடந்தாலும் போட்டியன்றும் இதேபோல் நடத்தப்படும் உடல்தகுதி சோதனையில் தேர்வு பெரும் வீரர்கள் மட்டுமே களத்தில் விளையாட அனுமதிக்கப்படுவார்கள் என தெரிவிக்கப்பட்டுள்ளது. நாளை பாலமேடு ஜல்லிக்கட்டிற்கான காளைகள் மற்றும் வீரர்களுக்கான முன்பதிவு நடைபெறுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close