[X] Close
JUST IN
  • BREAKING-NEWS இந்தியா, தென்னாப்ரிக்கா இடையே ராஞ்சியில் இன்று தொடங்குகிறது மூன்றாவது டெஸ்ட் போட்டி
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“விஜயபாஸ்கர் சார்ந்த எந்த ஆவணமும் வெளியிடவில்லை” - வருமான வரித்துறை 

no-document-has-been-published-in-connection-with-minister-vijayabaskar-case

சுகாதாரத்துறை அமைச்சர் விஜயபாஸ்கரின் வீடு உள்ளிட்ட இடங்களில் நடந்த சோதனை தொடர்பாக, எந்த ஆவணமும் வெளியிடப் படவில்லை  என சென்னை உயர்நீதிமன்றத்தில் வருமான வரித்துறை பதில்மனு தாக்கல் செய்துள்ளது.

2017ஆம் ஆண்டு அமைச்சர் விஜயபாஸ்கர் வீடு உள்ளிட்ட 32 இடங்களில் வருமானவரித்துறை சோதனை நடத்தியது. அதில் ஆர்.கே.நகர் தொகுதி இடைத் தேர்தலில் 89 கோடி ரூபாய் பணப்பட்டுவாடா செய்யப்பட்டதற்கான ஆவணங்களைக் கைப்பற்றிய வருமான வரித்துறை, அதனைக் கசியவிட்டதாக குற்றச்சாட்டு எழுந்தது. அதில் அமைச்சர்களின் பெயர்களும் இடம் பெற்றிருந்ததால், இந்த வழக்கை சிபிஐ விசாரணைக்கு மாற்ற வேண்டுமென திமுக சார்பில் மனுதாக்கல் செய்யப்பட்டது. 

Related image

இந்த வழக்கு நீதிபதி சத்தியநாராயணன் தலைமையிலான அமர்வில் கடந்த டிசம்பர் மாதம் விசாரணைக்கு வந்தது. 2017 ஆம் ஆண்டு ஏப்ரல் மாதம் நடத்தப்பட்ட சோதனையின் அடிப்படையில் என்ன நடவடிக்கை மேற்கொள்ளப்பட்டுள்ளது என வருமான வரித்துறைக்கு நீதிபதிகள் கேள்வி எழுப்பினர். 

Image result for Minister Vijayabaskar

இதுதொடர்பாக தாக்கல் செய்யப்பட்டுள்ள பதில் மனுவில், 89 கோடி ரூபாய்க்கு பணப்பட்டுவாடா நடந்ததற்கான ஆவணங்கள், தங்கள் தரப்பில் வெளியிடப்படவில்லை என தெரிவிக்கப்பட்டுள்ளது. சோதனையில் கைப்பற்றப்பட்ட ஆவணங்களை மதிப்பீடு செய்ய கால அவகாசம் இருப்பதால், தொடர்ந்து விசாரணை நடைபெற்று வருவதாக வருமான வரித்துறை பதிலளித்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close