[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

மெரினாவில் உரிமம் இல்லாத கடைகளை அகற்ற நீதிமன்றம் உத்தரவு!

hc-ordered-to-vacate-marina-shops

’’சென்னை மெரினா கடற்கரையில் உள்ள 2 ஆயிரம் கடைகளை அப்புறப்படுத்திவிட்டு, புதிதாக, உரிமத்துடன் குறைவான எண்ணிக்கையில் கடைகளை அனுமதிக்க வேண்டும்’’ என்று சென்னை உயர்நீதிமன்றம் உத்தரவிட்டுள்ளது. 

மீன்பிடி தடை காலத்தில் மீனவர்களுக்கு வழங்கப்படும் நிவாரணத் தொகையை அதிகரித்து தரும்படி மீனவர்கள் அமைப்பின் தலைவர் பீட்டர் ராயன் சென்னை உயர்நீதிமன்றத்தில் வழக்கு தொடர்ந்திருந்தார். இந்த வழக்கில் சென்னை மாநகராட்சியுடன் இணைந்து மெரினா கடற்கரை யில் மேற்கொள்ளப்பட்டு வரும் தூய்மை பணிகள் மற்றும் மீனவர்கள் வியாபாரம் செய்வதற்கான மாற்று இடம் வழங்குவது குறித்து மாநக ராட்சி ஆணையர் விரிவான அறிக்கை தாக்கல் செய்ய உயர்நீதிமன்றம் உத்தரவிட்டிருந்தது.

அதன்படி, மீனவர்கள் எதிர்ப்பு தெரிவிப்பதால், தூய்மைப்படுத்தும் பணிகள் மட்டும் மேற்கொள்ளப்பட்டு வருவதாகவும், பேச்சுவார்த்தைக்கு பின் அவர்களை அப்புறப்படுத்த நடவடிக்கை எடுக்கப்படும் என மாநகராட்சி சார்பில் தெரிவிக்கப்பட்டது.

மெரினாவில் கடை நடத்துபவர்கள் சங்கம் சார்பாக, தாக்கல் செய்யப்பட்ட மனுவில், ’மெரினாவை ஒழுங்கு படுத்துகிறோம், தூய்மை படுத்துகிறோம் என்றும் எங்களை அப்புறப்படுத்த முயற்சிக்கின்றனர். அதற்கு தடை விதிக்க வேண்டும்’ என்று கோரியிருந்தனர். 

இதையடுத்து, மெரினா கடைகளை அப்புறப்படுத்த எதிர்ப்பு தெரிவிக்கும் மீனவர்கள் மற்றும் வணிகர்கள் முறைப்படி மனுதாக்கல் செய்தால் விசாரணைக்கு எடுத்துக் கொள்ளப்படும் என்று கூறிய நீதிபதிகள் கூறினர். விசாரணையை ஜனவரி 10 ஆம் தேதிக்கு (இன்று) தள்ளிவைத்தனர். 

அதன்படி இந்த வழக்கு இன்று விசாரணைக்கு வந்தது. சென்னை மெரினா கடற்கரையில் உள்ள 2,000 கடைகளை அப்புறப்படுத்திவிட்டு புதிதாக உரிமத்துடன் குறைவான எண்ணிக்கையில் கடைகளை அனுமதிக்க வேண்டும் என்று சென்னை மாநகராட்சிக்கு உயர்நீதிமன்றம் அதிரடி உத்தரவு பிறப்பித்தது. 

மேலும், மெரினாவை ஒழுங்குபடுத்துவதற்கான வரைவு அறிக்கையை பிப்ரவரி 1 ஆம் தேதி தாக்கல் செய்ய வேண்டும் என்று கூறிய நீதிமன் றம் விசாரணையை பிப்ரவரி 5 ஆம் தேதிக்கு ஒத்தி வைத்தது. 

முன்னதாக மாநகராட்சி தரப்பில், மெரினா கடற்கரையில் உள்ள மீன்கடைகளை மாற்றுவது தொடர்பாக மீனவ சங்கங்களுடன் பேச்சுவார்த்தை நடத்தப்படும் என்றும் 3 அல்லது 4 மாதங்களுக்குள் மீன் கடைகள் வைத்துள்ளவர்களுக்கு மாற்று இடம் வழங்கப்படும் என்றும் நீதிமன்றத்தில் தெரிவிக்கப்பட்டது.
 

Advertisement:
இது தொடர்பான செய்திகள் :
Advertisement:
Advertisement:
[X] Close